CONDUCTUS 1, Glossarium mediae et infimae latinitatis, Du Cange et al.

« 1 conductus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 491c. http://ducange.enc.sorbonne.fr/CONDUCTUS01

1. CONDUCTUS, nostris Sauvegarde, Defensio, tutela, præsidium, comitatus, Gall. Escorte. Constantino de Administ. Imp. cap. 12. διάσωσις. Charta Lotharii Regis Francor. apud Vassorium in Annalib. Noviomens. pag. 925 :

Suscipimus etiam eum in Conductu et custodia nostra.

Contractus anni 1275. inter Abbatem Mediani Monast. et Cunradum de Landesperg, in Hist. ejusdem Monast. pag. 334 :

Dictas curias... in protectione mea recipio et Conductu.

Philippus Eystetensis Episcopus in Vita S. Willibaldi cap. 16 :

Ut quocunque pergere vellet, eorum Conductu cum pace iret ac rediret.

Charta Philippi Regis Franc. ann. 1091. pro Archiepiscopo Rotomag. apud. D. Brussel tom 1. de Usu feudorum pag. 281 :

Cum autem ad curiam meam venerit, mittam ei Conductum ad Calvummontem sive ad Pontem Isoræ.

Charta Johannis Regis Angliæ in Libro nigro Scaccarii pag. 381 :

Petiit ab eis Conductum, ut ad nos venire posset, ad quærendam pacem nostram.

Occurrit præterea in Capitulis Caroli Calvi tit. 12. cap. 9. Populo denuntianda a Missis ann. 853. Pertz. pag. 424. tit. 31. cap. 31. Edict. Pistense ann. 864. Vide in Conductus 3. apud Ratherium Veronensem in Itinerario pag. 265. Fulbertum Carnotensem Epist. 93. Joannem Sarisberiensem in Proœmio Policratici, Hildebertum Cenomanensem Epistola 26. Ordericum Vitalem lib. 2. pag. 392. Matthæum Paris pag. 445. etc. Philippus de Bellomanerio in Consuetudine Bellovacensi MS. cap. 67 :

Toutes les fois qu'aucuns n'ose venir à droit, de peur de ses anemis, le Signor li doit bailler Conduit. Mais li Conduit et li envoi qu'il fet en autrui cort, est aus cousts de cix qui les requieront.

MS. :

Més l'Empereres n'ot pas mis en obli
La felonie que li ot fet Garin,
En son Conduit li ot Guillaume ocis,
Grant felonie et grant pechié en fist.

Chronicon Bertrandi Guesclini MS. :

Le Heraut se parti, et le cheval brocha,
Le Conduit du Seigneur droit à son col porta.

Saufalant dicitur in eodem Chronico :

En coste lui ala, et manda Saufalant.

Vetera Statuta MSS. oppidi Arearum, (Yeres) in Provincia ann. 1237 :

Item es estatuts que degun trop d'aver gros vo menut non ause jacer deforas, sinon que sia en Souhalat sufficiement, non si entent de bous laurans sot à la pena de 10. sols.

Formulæ conductus exstant apud Petrum de Vineis lib. 5. Epist. 51. et 125. Formulam aliam habemus apud Hesychium Milesium lib. περὶ σοφῶν, et Suidam in Potamone. Vide Haltaus. Glossar. German. col. 626. sqq. voce Geleite, et infra Ducatus 5.

CONDUCTURA 2. CONDUCTUS © École des chartes.

« 2 conductus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 492a. http://ducange.enc.sorbonne.fr/CONDUCTUS02

2. CONDUCTUS, Quod pro rerum quæ exportantur securitate, Domino exsolvitur, alias Guidaticum. Charta Rodulphi Viromanduor. Comit. :

Concessimus et dedimus Ecclesiæ B. Medardi de Capi ad luminaria facienda singulis annis 10. solidos in Conductu mercatorum, quod vulgo dicitur Guionagium, capiendos Peronæ, et in Festo S. Remigii percipiendos, etc.

Charta Adolfi Imp. ann. 1293. in Insulis Rheni :

In Comitatu alicujus Comitis, qui in ipso flumine recipit teolonia et Conductus, etc.

Charta Ludovici VII. Regis Franc. ann. 1153. in Tabulario Fossatensi fol. 19 :

Quod in villa quæ dicitur de Seaux, Ecclesia Fossatensis habeat totum fundum terræ, et omnimodam justitiam in hospitibus ibi commorantibus, et Nos in eadem villa semel in anno Herbergagium, Conductum, et pedagium, etc.

Alia Charta ejusdem Regis ann. 1171. apud Baluz. tom. 2. Hist. Arvern. pag. 66 :

Juraverunt etiam sese nihil in stratis neque pro pedagio, neque pro Conductu sive guisagio... a transeuntibus accepturos.

Vetus Charta apud Augustinum Du Pas in Stemmat. Armoric. part. 1. pag. 246 :

Ita dico, ut nullus mihi consuetudines, id est, teloneum et Conductus reddat.

Ita Conduit appellatur in Regesto Peagiorum Parisiensis urbis, tributum, quod exsolvitur pro mercibus quæ per urbem, et ultra ejus banleucam transvehuntur. Plura vide in Guida.

P. Carpentier, 1766.

◊ Nostris Conduit. Charta ann. 1333. in Lib. rub. Cam. Comput. Paris. fol. 443. v°. :

Le Conduit, qui est membre du grant tonlieu.

Pedag. Peron. ex Chartul. 21. Corb. :

Le charrette, de Conduit v. den.

Lit. ann. 1400. tom. 8. Ordinat. reg. Franc. pag. 378 :

Or voulons en ceste seconde partie traictier des chaucées, des coulins, des travers, des Conduits, des rivages, des halages, etc.

les Bénédictins de St. Maur, 1733–1736.

Conductus Nundinarum, Qui solvitur a mercatoribus ad nundinas venientibus. Regestum Campaniæ, apud D. Brussel tom. 1. de Usu feudorum pag. 42 :

Apud Musteriolum, in terris et hospitibus et in Conductu nundinarum.

les Bénédictins de St. Maur, 1733–1736.

Conductus, Nundinæ ipsæ, aut aliud simile commercium, ut videtur. Miracula B. Simonis de Lipnica, tom. 4. SS. Julii pag. 562 :

Feria quarta post Conductum Paschæ.

Et mox infra :

Infirmitas duravit a sabbato proximo post Conductum Paschæ usque ad feriam quartam proximam.

Nisi idem sit quod post Clausum Paschæ. Vide in Pascha.

1. CONDUCTUS 3. CONDUCTUS © École des chartes.

« 3 conductus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 492b. http://ducange.enc.sorbonne.fr/CONDUCTUS03

3. CONDUCTUS. Tabularium Palense in Hist. Beneharn. lib. 4. cap. 11 :

Dedi ei in fiscum et filiis suis 12. Conductus, quos ipse Guillelmus Dux Aquitaniæ habebat in Clairag, et a Clairag usque ad Arganjon in Bearn, et a Maria in Eleron, et omnia quæ pertinent ad ipsos Conductus de re Comitis.

Quo loco Marca Conductus appellari ait

les rentes affectées à l'entretenement des Comtes de Gascogne, lorsqu'ils venoient faire leurs visites et chevauchées dans le pays.

Sed videtur potius esse id quod Albergatam vocabant, seu Mansionaticum : nam et Conductus hospitia appellarunt Latini Scriptores. Seneca lib. 6. de Benefic. cap. 5 :

Nec Conductum meum, quanquam sis Dominus, intrabis.

Petronius :

Paulo ante in Conductum meum accurrit.

Julius Africanus lib. 2. Hist. Apost. :

Mansit toto biennio in Conducto suo, et suscipiebat omnes qui ingrediebantur ad eum.

Infra :

Ipse autem Paulus mansit Romæ toto illo biennio in Conducto suo.

Agobardus contra Judæos :

In ipsa autem Roma biennio in suo habitasse Conductu, etc.

Concilium Bituricense ann. 1336. can. 12. extremo :

Omnes tamen tales et similes et singulos auctoritate hujus Concilii excommunicamus in his scriptis, eorumque familiam seu Conductum Ecclesiastico supponimus interdicto.

Sed et ita Conductus accipitur in Capitulis Caroli Calvi tit. 12. cap. 9. et in Edicto Pistensi cap. 31. Hinc Conductor, pro hospite et stabulario, apud Rutilium. Haud scio an eadem notione, in Leonis IX. PP. Bulla pro Parthenone S. Laurentii in Hesse, apud Lud. Laguille in Probat. Hist. Alsac. pag. 26. col. 1 :

Quarta pars Ecclesiæ de Tesselingen cum Conductu et omni integritate. Ecclesia de Belnoylre tota cum Conductu et omni integritate.

Vide Conducere 2. et Conductare. Lusitanis olim Conducturia, Condoito, hodie Conduto, Omne quod in escam daturcum pane ; Testam. S. Pelagii Episc. ann. 1246 :

Totum pannem de Heremita mandat fratribus de Heremita pro Conducto.

Vide S. Rosa de Viterbo tom. 1. pag. 301. et 302. Confer Companagium.

P. Carpentier, 1766.

◊ Charta ann. 1319. ex Tabul. Savign. :

Asserunt dicti confitentes se habere quemdam Conductum, receptum seu prandium. Asserunt se debere habere quartam partem cujusdam Conducti, recepti seu prandii... Habet quartam partem unius Conducti seu prandii.

Sed et pro Hospitio, quod jam observaverat Cangius, occurrit in Reg. S. Justi Cam. Comput. Paris. fol. 163. v°. :

Conductum Mellenti, quem tenet senescallus.

Et fol. 167. v°. col. 1 :

Dom. Johannes de Poiz tenet de rege Conductum suum de Joiaco : unde est homo ligius regis, et hic Conductus valet xv. libras de reditu.

Charta ann. 1336. in Cod. Ms. Commerc. pag. 79 :

Item à chascun bled, chascun Conduict nous doit chascun an un silleur, et en fenaulx ung faulcheur.

Alia ann. 1406. in Chartul. priorat. Belleval. :

Item chacun Conduct deizdites dous villes doit aussi payer à ladite esglise de Belleval et payerat chacun an une journée à la crowée de la seille az waiien.

P. Carpentier, 1766.

Conductus Feudalis, Prandium, quod ratione feudi exigitur. Charta ann. circ. 1130. ex Chartul. Stirpensi :

Iterum quæsivit feudales Couductus in festis multis. Et veni inde ad placitum, et laudaverunt michi, quod antequam sustinerem guerram, non propter feudum, sed causa amicitiæ suæ adquirendæ, licet in justitia (injuste) quæreret, quod darem sibi manducare quatuor festis ; quod et feci... Iterum causa pacis concessi sibi dare Conductum v. festo (festis) laudantibus placitatoribus nostris. Sed ipse contemptis placitis,... injuste quæsivit pluribus festis manducare.

2. CONDUCTUS 4. CONDUCTUS © École des chartes.

« 4 conductus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 492c. http://ducange.enc.sorbonne.fr/CONDUCTUS04

4. CONDUCTUS, Canalis, tubus, Gall. Conduit. Hist. Beccensis MS. pag. 468 :

Ut facilius ad Monasterium deduceretur aqua, permisit idem Willelmus, ut per totam terram suam per Conductum Monachi deportarent.

Acta S. Franciscæ Rom. tom. 2. Martii pag. 104 * :

Qui cum veniret per unum Conductum, omnes venas et membra... solabatur.

P. Carpentier, 1766.

◊ Alias Conduisement. Charta ann. 1243. ex Chartul. S. Joan. in Valle :

Intelleximus quod vos cloacam sive Conductum ad purgandas coquinæ vestræ immunditias fecistis in fossato.

Lit. remiss. ann. 1466. in Reg. 194. Chartoph. reg. ch. 186 :

Icellui Guillaume se prist à foïr ledit pré pour y faire une raize ou besal pour conduire l'eaue au pré dudit Guillaume... En faisant laquelle raise ou Conduisement, etc.

Alio significatu Conduisement, nempe Ductu, directione, in aliis Lit. ann. 1375. ex Reg. 107. ch. 50 :

Avint d'aventure que ledit Girart par le Conduisement de sa main, fu feru dessoubz son œil du tilleul dudit Jehan.

3. CONDUCTUS 5. CONDUCTUS © École des chartes.

« 5 conductus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 492c. http://ducange.enc.sorbonne.fr/CONDUCTUS05

5. CONDUCTUS, Cibus ad communem refectionem appositus. Charta Hugonis Abbat. Insulæ Barbaræ, in Maceriis ejusdem tom. 1. pag. 113 :

Quotiescumque breve Fratrum Monasterii S. Petri foris muros portæ ad nos venerit, pulsatis signis, septem officia plenaria in Conventu persolvantur, et per tres dies in refectorio Conductum habeant.

Privilegium Pontii Arelat. Archiep. pro nova Basilica Montis-majoris ann. 1016. laudatum a Mabillonio tom. 4. Annal. Benedict. pag. 250 :

Ut pascat tres pauperes ad unum manducare de ipso Conducto, quo ipse manducaturus est.

Statuta Eccl. Lugdun. ann. 1251. apud Acherium tom. 9. Spicil. pag. 77 :

Statuimus et juramento firmamus, quod quilibet Canonicus, seu alius Beneficiatus, non habeatur pro residenti, nec aliquid capiat in divisione terrarum, nec cotidianas distributiones in scholis, nisi per dimidium annum primo fecerit residentiam in Ecclesia nostra : pro residenti tamen tenebitur, si teneat Conductum continuum et perseveraverit. Conductus

hic idem est qui Convictus, communis mensa, vel saltem communis habitatio.

Conductus, f. Ead. notione. Tabular. Prioratus de Domina in Delphinatu fol. 12 :

Unus mansus debet porcum unum... et multonem denariorum 8. et agnellos 2. pro recepto, excepto eo Conducto, quem dederit recipienti eos.

Infra :

Et de his omnibus bene recipere ipsum villanum, aut suum missaticum qui ista Conduxerit.

Conductus Thesauri, Cui obnoxii

erant urbium incolæ. Charta Edwardi III. Regis Angl. tom. 2. Monastici Angl. pag. 71 :

Sint quieta de omnibus placitis, querelis,... et de pontium et castrorum ædificatione, et de Conductu Thesauri, etc.

Vide Conducere 1.

« 6 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS06

6. CONDUCTUS, Sumptus in victum, vestitum, cultum, etc. Gall. Entretien. Testam. Guill. V. dom. Montispess. ann. 1121. inter Probat. tom. 2. Hist. Occit. col 416 :

De isto supradicto honore, qui est de Amancione versus Occidentem, jubeo ut uxor mea nutriat infantes suos, et faciat Conductum cum triginta modiis de blado de Palude, quos dabit ei Lambertus bajulus meus, vel ille qui vicem suam tenebit per unumquemque annum in adjutorio Conducti.

« 7 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS07

7. CONDUCTUS, Jus patronatus, quo quis electum a se presbyterum ad episcopum conducit seu præsentat, ut ab eo cura animarum investiatur. Vide supra Conducere 2. Charta ann. 875. tom. 8. Collect. Histor. Franc. pag. 425 :

Comitis-villa cum ecclesia atque Conductu,... ecclesia in honore S. Glodesindis in silva libera nulli respiciens, cum Conductu cujuscumque voluerit abbatissa sacerdotis.

Pluries ibi. Alia Alberonis Trevir. archiep. ann. 1137 :

Conductum presbyterorum in ecclesia de Messuns et duas partes per omnia decimarum et medietatem dotis ecclesiæ... confirmamus.

« 8 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS08

8. CONDUCTUS, Consensus, ut videtur. Pactum ann. 1103. inter Probat. tom. 2. Hist. Occit. col. 361 :

Demandabant... de Conducto domini, ut bailli essent per ipsos.

« 9 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS09

9. CONDUCTUS, In jus vocatio, citatio, vadimonium, ut opinor. Libert. villæ de Coynau ann. 1312. tom. 8. Ordinat. reg. Franc. pag. 109. art. 21 :

Concedimus eisdem, quod pro aliquo Conductu vel delito (delicto) dum ipsi de una tota die parati fuerint secundum eorum posse, satisdare ydonei de stando juri coram nostra curia, non possint nec debeant expelli de domibus eorumdem, nec eciam pignorari aliqua de causa, etc.

Vide supra Conductio 2.

« 10 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS10

10. CONDUCTUS, Dominium, districtus, territorium. Diplom. Ludov. IV. imper. ann. 1332. tom. 2. Hist. Trevir. Joan. Nic. ab Hontheim pag. 1119. col. 2 :

Indulgentes eisdem ut omnia telonia sua hujusmodi levare possint conjunctim vel divisim in dominio aut Conductu suo, ubi magis viderint expedire.

Charta ann. 1340. ibid. pag. 145. col. 1 :

Insuper angarias seu exactiones... in nulla parte Conductus seu districtus domini nostri Trevirensis... ab aliquo recipiemus.

Eodem fortean sensu intelligendum est, vel certe pro familia, Concil. Bitur. laudatum in Conductus 3. Vide supra Conducta.

« 11 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS11

11. CONDUCTUS, Canticorum species, nostris etiam Conduis. Reg. visitat. Odonis archiep. Rotomag. ab ann. 1248. ad ann. 1269. ex Cod. reg. 1245. fol. 358. v°. :

In festo S. Johannis et Innocentium nimia jocositate et scurrilibus cantibus utebantur (moniales monasterii Villaris) ut pote farsis, Conductis, motulis ; præcepimus quod honestius et cum majori devotione alias se haberent.

Mirac. B. M. V. Mss. lib. 2 :

De bien chanter estoit si duis,
Que chansonetes et Conduis
Chante si affaitiement, etc.

Vide Condictus.

« 12 conductus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 493a. http://ducange.enc.sorbonne.fr/CONDUCTUS12

12. CONDUCTUS, Armentum, grex. Inquisit. ann. 1268. ex schedis Pr. de Mazaugues :

Item dixit quod ipse accepit pasquerium in dicto territorio pro domino Barrallo, et de singulis Conductis ovium, unum multonem de uno anno.

Quod ibi Conductus, paulo ante appellatur Paria et Baillia. Vide supra in hac voce.