« »
 
CORNU 1, CORNU 3, CORNU 4, CORNU 5, CORNU 6, CORNU 7, CORNU 8, CORNU 9.
[]« 1 cornu » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 570b. http://ducange.enc.sorbonne.fr/CORNU1
1. CORNU, Vas quo bibitur. Cornibus usos veteres ante pocula observat Scholiastes Homeri ad Iliad. Θ. πρὸ τοῦ γὰρ εὑρεθῆναι τὴν τῶν ποτηρίων χρῆσιν, εἰς ϰέρας ἔπινον. Vide auctorem Etymologici in Κεράσαι. Corneus scyphus, apud Saxonem lib. 7. et Ordericum Vitalem lib. 5. Scyphus cum Cornu et argento, in Testamento S. Everardi apud Miræum in Cod. Donat. Belgic. cap. 21. Charta Witlasii Regis Merciorum, apud Ingulfum :
Et Cornu mensæ meæ, ut senes Monasterii bibant inde in festis Sanctorum, etc.
Vetus Chronicon laudatum ab Camdeno in Brigantibus, et Olao Wormio ad Fastos Danicos :
Ulphus Toraldi filius Eboracum divertit, et Cornu quo libere consuevit, vino replevit, et coram altari Deo et Petro Apostolorum Principi omnes terras et reditus flexis genibus propinavit.
Eadmerus de Similitudinibus S. Anselmi cap. 18 :
Aliquando delectat domum interius ornatam conspicere, ebriosos in ea decantantes audire, ibidem et vinum Cornibus deauratis potare, et flores per domum dispersos olfacere, ipsosque, vel Cornua aurea, vel alia tactu delectabilia contrectare. Tenere per Cornu
terram aliquam, apud Malmesbur. In Concilio Calchutensi ann. 787. can. 10. vetatur
ne de Cornu bovis calix aut patena fieret ad sacrificandum, quod de sanguine sunt.
[]
◊ Observat idem Wormius in veteribus Fastis Danicis festum Nativitatis Domini cornu indicari, quod inquit, id temporis lætitiæ et exhauriendis poculis idoneum habitum sit. Vide eumdem in Dissertatione de Cornu aureo, pag. 23. ubi multis probat, ut et Stephanius ad Saxonem Grammaticum pag. 127. jam olim poculorum vicem obtinuisse cornua, et Janum Dolmerum ad Jus aulicum Norvegicum vetus pag. 461. et 533.
les Bénédictins de St. Maur, 1733–1736.
Cornua, Vinum cornu contentum. Charta Arnoldi Præpositi B. M. ad Gradus in Moguntia, de Præbendis ann. 1222. Rer. Moguntiac. tom. 1. pag. 668 :
Item a principio Adventus Domini usque ad diem Innocentum, vinum quod Cornua nuncupatur.
© École des chartes.
[]« 3 cornu » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 570c. http://ducange.enc.sorbonne.fr/CORNU3
3. CORNU, Atramentarium. Ugutio : Calmarium, Cornu quo tenetur incaustum. Willel. Brito in Vocab. :
Atramentarium dicitur vas in quo reponitur atramentum, Cornu etiam scriptoris.
Nostris Cornet. Charta Hervei D. de Stafford tom. 1. Monastici Angl. pag. 559 :
Testibus his .... et Ilberto Vicecomite, et ipso domino Radulfo testante, qui tenuit Cornu dum scriptor notavit..... supradicta.
Charta anni e Chartulario Eccl. Biterr. :
Isimbertus Canonicus S. Nazarii tenuit Cornu cum tincta, de quo fuit scriptum testamentum.
Vide S. Rosa de Viterbo Elucid. Append. pag. 29. Statuta antiqua Cartusianorum 2. part. cap. 16. § 8. de suppellectile scriptoria :
Pennas, cretam, pumices duos, Cornua duo, scapellum unum, ad radenda pergamena novaculas sive rasoria 2. et punctorium 1. subulam 1. plumbum, regulam, postem ad regulandum, tabulas, graphium.
Vide Cornicularius.
© École des chartes.
[]« 4 cornu » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 570c. http://ducange.enc.sorbonne.fr/CORNU4
4. CORNU, pro Charta seu Scriptura accipi videtur apud Kennettum Antiquit. Ambrosden. pag. 73. ad ann. 1091 :
Willi antecessores ante conquestum Angliæ tenuerunt jure hæreditario terram, boscum et ballivam prædictas de Domino Rege per unum Cornu, quod est Charta prædictæ forestæ, et per servitium reddendi Domino Regi pro terra prædicta x. s. et pro foresta prædicta xl. s.
Vide Outhorn.
© École des chartes.
[]« 5 cornu » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 570c. http://ducange.enc.sorbonne.fr/CORNU5
5. CORNU, Vas Ecclesiasticum. Chronicon Fontanellense cap. 14 :
Urceos Alexandrinos cum aquamanilibus duos, Cornu fabricatum unum, etc.
Hugo Flaviniacensis in Chronico pag. 167 :
Capsam auream insignitam reliquiis 12. Apostolorum, et Cornua 2. eburnea identidem reliquiis conferta.
Charta Ethelstani Regis in Monastico Anglic. tom. 1. pag. 40 :
Quatuor magnas campanas, et 3. Cornua auro et argento fabricata, et 2. vexilla, etc.
Vide tom. 3. pag. 313. 1. Samuelis [] cap. 16. v. 1. et Canisium tom. 5. Antiq. lect. pag. 786.
© École des chartes.
[]« 6 cornu » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 571a. http://ducange.enc.sorbonne.fr/CORNU6
6. CORNU, Extremitas vestis in acumen desinens. Statuta Ecclesiæ Andegav. num. 16 :
Prohibemus... ne quis seu aliqua in vestimentis caudas et Cornua, coleratas reversas manicas.... habere et deferre... præsumat.
P. Carpentier, 1766.
◊ Inventar. S. Capellæ Paris. ann. 1376. ex Bibl. reg. :
Et etiam deficiunt super duo Cornua mitræ duo lapides de vitro perforati.
Aliud Gall. :
Et y faut dessus les Cornes de la mitre deux pierres de verres perciez.
Vide supra Corna et infra Pileus cornutus.
L. Henschel, 1840–1850.
◊ Extrema pars lintei. Discipl. Cleric. sect. 11 :
Extrahens linteum vetula quantum potuit unum Cornu illius sustulit, et alterum filiæ suæ sublevandum dedit.
Quæ in Chastaiement d'un père à son fils ita redduntur :
L'une des Corneres leva
Et l'autre à sa fille bailla.
© École des chartes.
[]« 7 cornu » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 571a. http://ducange.enc.sorbonne.fr/CORNU7
7. CORNU, Instrumentum, quo ægris jumentis medicina seu potio in os infunditur. S. Gregor. in Vita S. Benedicti cap. 30 :
Quadam die dum ad B. Johannis Oratorium, quod in ipsa montis celsitudine situm est, pergeret, ei antiquus hostis in mulo-medici specie obviam factus est, Cornu et tripedicam ferens.
© École des chartes.
[]« 8 cornu » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 571a. http://ducange.enc.sorbonne.fr/CORNU8
8. CORNU, Vox in hac notione nota. Carmen de Curia Romana. v.
Femina si qua suo quæsivit Cornua sponso.
Occurrit eadem notione apud Joan. Berberium in Viatoriis utriusque Juris part. 1. Rubrica de adulteris. Vide Etymolog. D. de Caseneuve ad vocem Cornard.
P. Carpentier, 1766.
◊ Hinc cornua ad domum alicujus affigere, injuriæ reputabantur. Statuta Mantuæ lib. 1. rubr. 78. ex Cod. reg. 4620 :
Si vero quis ad injuriam alterius posuerit ad domum alicujus Cornu seu Cornua bestiarum, puniatur et condemnetur in 50. libris parvorum.
Unde Cornart appellatur vir, cujus uxor mœchatur. Lit. remiss. ann. 1400. in Reg. 155. Chartoph. reg. ch. 132 :
Renoul dist audit Boursaut qu'il estoit un grant Cornart, qui vault autant à dire, selon la coustume du païs, comme un grant coux.
Consule Orig. Menag. et vide Cugus. Vide H. Stephan. Thes. Ling. Gr. voce Κέρας, edit. Didot. vol. 4. col. 1456.
© École des chartes.
[]« 9 cornu » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 571a. http://ducange.enc.sorbonne.fr/CORNU9
9. CORNU, Mensuræ species. Inventar. ann. 1491. inter Probat. tom. 4. Hist. Nem. pag. 55. col. 1 :
Item una grossa de argento,... longitudinis septem Cornibus sive palmis.
Vide Palmus.
Cornu Altaris. Honorius Augustod. lib. 1. cap. 60. de templi dedicatione agens :
Post hæc quatuor Cornua altaris signavit, dum quatuor mundi partes cruce salvavit. Ante Cornu altaris ad Ecclesiasticos ordines promovere,
in Capitul. Caroli Magni lib. 1. cap. 88. 82. et Formul. 101. et Lindenbr. Ante Cornua altaris manumittere, in Formula 91. 97. apud eumd. Lindenbrogium, in Capitulari Aquisgran. ann. 816. cap. 6. etc. Theophylactus Simocatta lib. 8. cap. 8 :
Ἠϰηϰόει Μαυρίϰιος τῶν ϰεράτῶν τοῦ θυσιαστηρίου ϰάτοχον τὸν Γερμανὸν γεγονέναι.
Occurrit passim apud Moysem et alios.
les Bénédictins de St. Maur, 1733–1736.
Cornu Cervi Spagyrice est Rostrum alambici, ap. R. le Baillif in Diction. Spagyr. Vide Lex. medic. Panorm. Brunonis.
Cornua Ensis, apud Gregorium Turonensem lib. 4. Hist. cap. 38 :
Evaginat gladium, Cornuaque ensis pedibus calcans, acumen ad pectus evexit, etc.
Capulum[] qua parte reflectitur, ut manum tegat.
les Bénédictins de St. Maur, 1733–1736.
Cornu Epistolæ, Cornu Evangelii, Latus altaris, ubi Epistola vel Evangelium legitur. Occurrit in Syn. Valentina an. 1590. et apud Script. Eccles. recentiores passim.
Cornu in maleficiis. Indiculus superstitionum et paganiarum ann. 743. cap. 22 :
De tempestatibus et Cornibus, et cochleis.
Cornu sub Cornu. Historia fundationis Abbatiæ Saltreensis in agro Huntindonensi, tom. 1. Monastici Angl. pag. 853 :
Convenerunt... ut pastura eis esset omnibus communis, id est, Cornu sub Cornu, pro pace et concordia inter se tuenda, per se sine scitu et permissu aliorum Dominorum concesserunt.
Cornibus Ventilare. Joann. Sarisber. lib. 7. Policrat. cap. 21 :
Et quasi Cornibus geminæ potestatis Ecclesiam in cujus sinu quiescunt, et proteguntur umbra, ventilare non cessant.
Chronicon S. Vincentii de Vulturno :
Positoque præsidio pugnatorum in Canusia, præcipue eos Cornibus ventilabat.
Utitur etiam Stephan. Tornac. Epist. 152. ex Psalmo 44. Machab. lib. 1. cap. 7. v. 46. Zachar. cap. 2. v. 21.
© École des chartes.