« »
 
FACTIO 1, FACTIO 2, FACTIO 3, FACTIO 4, FACTIO 5, FACTIO 6, FACTIO 7, FAUCIO.
[]« 1 factio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391b. http://ducange.enc.sorbonne.fr/FACTIO1
1. FACTIO, Malitia, unde Factiosi, malitiosi, in Glossis MSS. Jo. de Janua : Factio, actus faciendi, vel ficta actio. Cum enim aliquis fingit se aliquid facere causa commodi alicujus, et facit, ut incommodet illi, Factio proprie dicitur : unde et Factio dicitur proditio, unde Factiosus, qui fingit se facere, ut prosit, facit tamen, ut noceat, unde et Factiosus dicitur proditor. Fautio et Fautiosus, a Faveo, aliud significat. Capitul. lib. 6. num. 384 :
Si quis scelerata Factione facultatem deprædationis dederit, vel si quis factam diviserit, vivus comburatur.
Gloss. Gr. Lat. : Factiosus, νεωτεριστής. Factionem, συσϰευή. Aliud Gloss. : Factio, σϰευωρία, συσϰευή. Glossæ MSS. ad Concilium Carthaginense cap. 10 : Querimoniam, querelæ, id est, maleficia, Factio. Vide Festum.
© École des chartes.
[]« 2 factio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391b. http://ducange.enc.sorbonne.fr/FACTIO2
2. FACTIO, Leges Inæ Regis Westsax. § 30. apud Brompton. :
Qui furem ceperit, habeat inde 10. sol..... et parentes ejus abjurent ejus Factioni.
Et § 78 :
Non cogatur liber cum servo cognationem solvere, nisi velit eum Factione liberare, nec servus cum libero.
Quibus locis Editio Saxonica Lambardi fæhρe habet, quod idem sonat ac feida, faida, guerra. Leges Henrici I. cap. 70. iisdem fere verbis :
Non cogitur liber cum servo neggildare, nisi velit ei Facionem facere, nec servus cum libero.
Concilium Duziacense I. pag. 224. Edit. Cellotii :
Eam sua Factione[] et quasi per forciam, et non per justitiam vindicare curavit.
Henricus Rosla in Herlingsberga :
Tum bene conjectans, quod ei nova Factio surgat.
Quod vero Factio hic vocatur, fauctio dicitur Sugerio in Ludov. VI. cap. 16 :
Interim ad Regem mittunt Ludovicum, Fauctionem significant, et quid super his præcipiat, consulunt.
Idem cap. 20 :
Hostes, cognito ejus adventu, mirabantur Fauctionem adeo cælatam ei innotuisse.
Ubi factio et fauctio, ejusdem videntur originis, et sonare non favorem ac animi consensum, qui alicui impenditur, sed faidam, seu capitalem inimicitiam. In Legibus Henrici I. Reg. Angliæ cap. 88. legendum Factionem, eadem notione, pro fractionem :
Et portet Factionem erga cognationem, i.
faidam. Vide Doubletum in Hist. San-Dionys. pag. 826.
Fautiosus, Defector, qui a principe suo deficit. Sugerius in Ludovico VI. cap. 7. de Thoma de Marna :
Ipse, qui dicebatur pater ejus, Engerannus de Bova,.... illum de castro ejicere ob ejus Fautiosam tyrannidem moliebatur.
Et cap. 16 :
Cujus Fautiosi diis et hominibus exosi oppidi possessor Guido, etc.
© École des chartes.
[]« 3 factio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391c. http://ducange.enc.sorbonne.fr/FACTIO3
3. FACTIO, Corvata, exactio operarum. Charta Mathildis Comitissæ apud Ughellum tom. 2. pag. 217 :
Quod de nostris arimannis de Monticulo nullos alios usus, vel Factiones deinceps requisierit.
Eadem notione usurpari videtur vox Faisances, in Consuet. Norman. cap. 93. Vide Faucio.
P. Carpentier, 1766.
◊ Item, Tributum, vectigal, Ital. Fazione. Charta ann. 1115. apud Murator. in Antiq. Estens. pag. 318 :
Ego jam dictus Fulcus marchio nullam in meam, nec in meis heredibus reservo potestatem ibidem hospitandi, seu aliquam Factionem faciendi quovis modo ; sed sit libera et absoluta a nobis ab omni angaria et servitute.
Stat. Mutin. rubr. 49. pag. 10. r°. :
Quod potestas sive rector civitatis Mutinæ teneatur compellere omnes laboratores possessionum, quas ipsi habent, ad faciendas Factiones antedictas (scilicet pontes, stratas) et præstationes civitatis Mutinæ, quas cives faciunt de suis possessionibus.
Correct. stat. Cadubr. cap. 72 :
Mandamus quod quicumque civis...... se absentaverit de territorio Cadubrii et ejus districtu per sex menses continuos, et non substinuerit onera omnia et Factiones, quæ et quas alii cives et vicini substinent, etc.
Vide infra Fesancia.
© École des chartes.
[]« 4 factio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391c. http://ducange.enc.sorbonne.fr/FACTIO4
4. FACTIO, Fabrica. Leges Palatinæ Jacobi II. Regis Majoric. inter Acta SS. Junii tom. 3. pag. xxxvi :
Annis singulis rationem reddere constringetur de his quæ in Factione sive reparatione armorum fuerunt expensa.
P. Carpentier, 1766.
◊ Opificium, artificis opera. Obituar. eccl. Lingon. ex Cod. reg. 5191. fol. 143. v°. :
Qui Nicolaus Martini clocherius dedit ecclesiæ Factionem campanæ canonicorum ipsamque campanam reddidit factam in mense Augusti anno 1437.
Inventar. S. Capellæ Paris. ann. 1363. ex Bibl. reg. :
Item pulcra mitra broderiæ de nova Factione ad perlas et gemmas.
Vide supra Faço 2.
© École des chartes.
[]« 5 factio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391c. http://ducange.enc.sorbonne.fr/FACTIO5
5. FACTIO, Facinus pravum, delictum. Vita S. Godebertæ Virg. April. tom. 2. pag. 33 :
Adjiciebat etiam Petri negationem, Latronis in cruce confessionem, lugubrem peccatricis Mariæ lamentationem, quam facile lacrimis pœnitentialibus Factionum suorum promeruerint remissionem.
© École des chartes.
[]« 6 factio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 391c. http://ducange.enc.sorbonne.fr/FACTIO6
6. FACTIO, Concessio, pactum, contractus. Charta ann. 833. apud Murator. [] tom. 5. Antiq. Ital. med. ævi col. 926 :
Interrogavimus..... ut si aberent aut præceptum vel judicatum aut testem, vel qualibet Factionem, quod ipse monasterio S. Petri pertineret ad parte S. Antemi, ita ostendere. Qui et ipsi partem una cum ipso abbate refutaverunt et dixserunt : Certe nec judicato, nec præcepto, nec ulla Factionem, necque per nulla rationem non habemus.
Vide Factum 2.
© École des chartes.
[]« 7 factio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 392a. http://ducange.enc.sorbonne.fr/FACTIO7
7. FACTIO, Forma, effigies, Ital. Fazione. Inventar. S. Capellæ Paris. ann. 1376. ex Bibl. reg. :
Item caput S. Blasii repositum in Factione episcopi mitrati.
Ibidem :
Item unum sanctuarium de S. Martino in Factione militis equitantis. Ad instar unius hominis equitantis,
in Inventar. ann. 1363. ibid. Aliud Gallicum :
Item un sanctuaire de S. Martin fait en façon d'un ymage qui chevauche.
© École des chartes.
[]« Faucio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 423a. http://ducange.enc.sorbonne.fr/FAUCIO
FAUCIO, Fautio, Fauctio, Factio, a Faveo. Joannes de Janua : Fautio, laus vel consensus in malo, sicut amicitia, consensus in bono, etc. Gloss. Lat. Gall. : Faucio, onis, Consentement en mal. Fautor, fautoris, le Veux, l. loeur
Consenteur. Nota, quod Fautoria, vel Faucio est inter malos, amicitia inter bonos
. Hinc Defaucio, quæ Faucioni opponitur. Gloss. Lat. Gr. : Defautio, ἀποτροπή, ψόγος. Vide Factio. Vide infra Fautalis.
© École des chartes.