« »
 
LAGA 1, REDIMERE 1, REDIMERE 2.
[]« 1 laga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 011a. http://ducange.enc.sorbonne.fr/LAGA1
1. LAGA, Lagha, Lex, a Saxon. Lag, quod idem sonat : unde Angli Law. Capitula post Concilium Grateleanum ann. 928 :
Aliquando fuit in Anglorum Laga, quod populus et leges (f. Reges) consilio regebantur, etc.
Leges Henrici I. cap. 2 :
Murdra... quæ amodo facta fuerint emendentur secundum Lagam Regis Eduardi.
Infra :
Lagam regis Edwardi vobis reddo cum illis emendationibus quibus pater meus eam emendavit consilio Baronum suorum.
Eadem habentur in Charta Johannis Reg. apud Matth. Paris. ann. 1213. et Ricardum Hagulstad. de Gestis Reg. Stephani ann. 1135. Eædem Leges cap. 54 :
Ubi vero aliquis eorum optionem habet per justitiam amicitiæ, vel Lagæ, et amicitiam eligit, fiet hoc ita firmum ut ipsum judicium.
Cap. 66 :
Si quis ordinatorum aliquem verberibus vel vinculis, vel aliquatenus affligat, emendet ei sicut rectum sit, et Episcopo emendationem altaris, Regi vel domino plenam mundbreche, vel plena Laga perneget.
Cap. 66 :
Laga Anglorum, Denelaga, etc.
Vide Lada, Lex. et Phillips. de Jure Angloss. not. 300.
Lagha, Eadem notione. Charta Guillelmi Comitis Flandriæ ann. 1127. super confirmatione Consuetudinis villæ S. Audomari :
Laghas seu consuetudines suprascriptas perpetuo eis concedo, et ratas permanere præcipio.
Eadem habentur in Charta Theodorici Comitis Flandriæ ann. 1128.
Lagam Emere, Redimere, soluta aliqua pecunia, vel mulcta definita legis compotem se reddere, vel idoneare et adlegiare se. Leges Ethelredi apud Wanetyngum § 6. de accusatis :
Et omnis emat sibi Lagam 12. oris, dimidium Landefrico, dimidium Wapentako.
Et § 11. :
Et omnis monetarius, qui infamis sit, redimat sibi Lagam 12. oris.
Vide Lacapum.
© École des chartes.
[]« 1 redimere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 071b. http://ducange.enc.sorbonne.fr/REDIMERE1
1. REDIMERE, In suas partes allicere, pretio dato corrumpere. Auctor præfationis in libellum precum Marcellini et Faustini :
Damasus tantum sibi conscius scelerum, non mediocri timore concussus, Redemit omne palatium, ne facta sua Principi panderentur.
Ciceroni
Redimere sibi amicos
, idem est quod Muneribus amicos sibi comparare. Vide Redemptus testis.
les Bénédictins de St. Maur, 1733–1736.
Redimere Corium, Componere de flagello, seu ut loquitur Tullius, Redimere pretio virgarum metum. Vide in Corium.
les Bénédictins de St. Maur, 1733–1736.
Redimere Manum, De manu pro delicto amputanda componere, in Capitulari 5. ann. 803. cap. 13. et lib. 4. Capitul. cap. 23. Titulus 55. Legis Salicæ est de manu ab æneo Redimenda, hoc est, de compositione, quam facere debebat is, qui tenebatur se purgare manum in æneum aqua ferventi plenum immittendo. Vide Aquæ ferventis judicium in Aqua et Redemptio 3. et mox Redimere vitam.
Redimere Se, tenebantur adscriptitii glebæ, si vel matrimonia contrahere, vel alio migrare vellent, data scilicet dominis suis certa quantitate pecuniæ. Consuetudines Catalaniæ inter Dominos et Vassallos MSS. cap. 36 :
In quadam parte Catalaniæ homines solidi, qui non sunt Milites, sunt sic astricti dominis suis, quod filii eorum sunt homines dominorum suorum, sic quod non possint contrahere matrimonia, nec de mansis recedere : quod si fecerint, oportet quod Redimant se, et si contrahant matrimonia, domini ipsorum rusticorum habent quasi partem laudimii de sponsalitio.
Curia Generalis Barcinon. sub Petro II. Rege Arag. MS. cap. 23 :
In terris sive locis, ubi homines Redimi consueverunt, non transferant domicilia sua ad loca nostra, nisi se Redemerint, et non possint tenere honores nec possessiones ; sed eas alienent personis non prohibitis, vel deferant propriis dominis, instrumentis ipsorum bonorum eis restitutis.
les Bénédictins de St. Maur, 1733–1736.
Redimere Tempus, Tergiversari. Synodus Aurel. ann. circiter 1017. tom. 2. Spicil. Acher. pag. 674 :
Tunc Arefastus videns quod Redimerent tempus, et sermonum clypeo festinarent obnubilare suæ fidei errorem, etc. Redimere tempus,
Coloss. 4. 5. est eo bene uti, illud in rebus utilibus ponendo.
les Bénédictins de St. Maur, 1733–1736.
Redimere Triduanam, De tridui jejunio componere, in Decretali precum ann. 779. lib. 5. Capitul. 207. Vide Biduana.
Redimere Vitam, vel manum. Speculum Saxonicum lib. 1. art. 65. § 2 :
In judicio condemnatus, si vitam aut manum Redimat, sine jure et infamis erit.
Germ. Ledegen. Vide Reatuum redemptio.
© École des chartes.
[]« 2 redimere » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 071b. http://ducange.enc.sorbonne.fr/REDIMERE2
2. REDIMERE, Pecuniam nomine redemptionis extorquere, injuste exigere ; interdum et mulcta pecuniaria afficere, mulctare. Bened. abb. Petroburg. in Henr. II. reg. Angl. tom. 1. edit. Hearn. pag. 344. ad ann. 1180 :
Henricus rex Angliæ fecit in Anglia novam monetam fieri ;... vetus namque moneta corrupta fuit, et rex monetarios suos Redemit, id est, ad redemptionem coegit.
Charta Phil. Aug. pro Aurelian. ann. [] 1187. in Reg. 34. bis Chartoph. reg. part. 2. fol. 79. v°. col. 2 :
Item quia servientes nostri burgenses gravabant et Redimebant, imponentes eis quod in morte patris nostri communiam conjurassent, etc.
Charta ann. 1261. in Chartul. Guill. abb. S. Germ. Prat. fol. 254. v°. col. 1 :
Sextus (articulus) erat super eo quod Guillelmus armiger, contra formam et declarationem dictæ sententiæ, in qua declaratum est, quod non potest nec licet ei capere vel Redimere homines S. Germani : ipse Guillelmus armiger pro voluntate sua... homines S. Germani, ut dicebant, capiebat indifferenter et Redimebat minus juste.
Hinc Redemptiones personarum, in Lit. ann. 1367. tom. 5. Ordinat. reg. Franc. pag. 75.
Raembier,
eodem sensu, in Assis. Hierosol. cap. 244 :
Mauvais seignor poroit legierement deshériter ou Raembier plusiors bones dames.
les Bénédictins de St. Maur, 1733–1736.
◊ Olim Reembrer, Reimbrer et Reymbrer nostri dixerunt, pro Redimere, Racheter. Mehun au Codicille :
Qu'il me fit Chrestien et qu'il me daigna Reimbrer.
MS. :
Bien haultement le Reymbrons,
Pour lui ung riche roy rendrons.
Ovide MS. :
Du bieau fils de Dieu, du bon, du sage,
Celui qui pour l'humain lignage
Reembre de mort et delivre.
Raamber une terre, in Sententia arbitrali ann. 1309. apud Pithœum in Consuetud. Trecens. art. 144. Jure cognationis terram redhibere. Raançon, hujusmodi redemtio ibidem :
Ainsi ne pouvoit venir messire Jehans à sa Raançon, parce que lidis heritages n'estoit pas de son costé.
Vide Retrahere 2.
P. Carpentier, 1766.
◊ Varie nostrates vocem Redimere reddiderunt. Chron. S. Dion. tom. 3. Collect. Histor. Franc. pag. 174 :
Cent livres envoia (Clovis) pour Raembre son cheval, etc.
Libert. Auxonæ ann. 1249. tom. 4. Ordinat. reg. Franc. pag. 395. art. 4 :
Se aucuns de ceulz d'Auxone estoit pris pour la debte cogneue du seigneur de la ville, li sires le doit Raimbre de ses deniers.
Charta Renardi de Choiseuil dom. Burbonæ ann. 1317. in Reg. 61. Chartoph. reg. ch. 155 :
Se aucuns des hommes de Bourbone estoit pris... pour ma debte cogneue, et il se Raimboit, ce que il se Raimberoit et cheroit de ma debte, je li restoreroie.
Hinc emendandum Testam. Petri comit. Alencon. pag. 182. post Joinvill. edit. Cang. ubi Meimbre perperam editum legitur, pro Reimbre. Guill. Tyrii contin. Hist. apud Marten. tom. 5. Ampl. Collect. col. 615 :
Qui racheter se porra et voudra, je l'en lairai aler par rançon devisée ; et qui ne se porra Raaindre, il demorra en ma prison.
Bestiar. MS :
Diex qui voloit l'umain lignage
Raaindre et geter de servage.
La Dispute du Juif et du Chretien MS. :
Morust Diex en la crois,
Quant son pueple Raint.
Vita J. C. MS :
Ne se chest chil qui doit venir,
Qui le monde doit Raamir.
L'ordene de Chevalerie :
Li princes Hues respondi,
Puisque m'avez le giu parti,
Je prendrai donc le Raiembre,
Se j'ai de quoi jel puisse rendre.
Rembre, in Consuet. Castell. ad Sequanam ex Cod. reg. 9898. 2 :
L'en lui doit [] copper le posse, ou le Rembre à la volenté des seigneurs.
Hinc Raemberes et Réembeor, pro Redemptor, qua voce J. C. qui nos morte sua redemit, significatur. Chron. S. Dion. tom. 3. Collect. Histor. Franc. pag. 199 :
Il crut que li Raemberes du monde vendroit, etc.
Vitæ SS. MSS. ex Cod. 28. S. Vict. Paris. fol. 1. v°. col. 2 :
Nos aviemes besoing de enseigneor, de Reembeor, de delivreour.
© École des chartes.