RETENEMENTUM, Glossarium mediae et infimae latinitatis, Du Cange et al.

« Retenementum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 158c. http://ducange.enc.sorbonne.fr/RETENEMENTUM

RETENEMENTUM. Charta Ricardi I. Regis Angliæ apud Rad. de Diceto ann. 1197 :

Sine aliquo Retenemento eorum, quæ ad molendina pertinent, vel ad molturam, etc.

D. Brussel tom. 2. de Feudorum usu pag. xix. præfert Retinemento. Vitæ Abbatum S. Albini :

Omnia mea.... sine aliquo Retenemento do et concedo, i.

nihil mihi retinendo. Occurrit eadem notione in veteri Charta incerti anni apud Thomam Madox Formul. Anglic. pag. 54. in alia ann. 1114. in Probat. novæ Hist. Occitan. tom. 2. col. 391. in alia ann. 1128. ibid. col. 446. in alia ann. 1212. in Historia MS. Montismajoris, in alia ann. 1217. ex Archivo Majoris-monasterii, etc.

les Bénédictins de St. Maur, 1733–1736.

Retenimentum, Retinementum. Chartularium S. Illidii Claromont. fol. xx^xx. xix. verso :

Dono et concedo sine exceptione et sine Retinemento Monasterio S. Illidii omne jus, etc.

Et alibi :

Dederunt mihi sine exceptione et sine Retinemento, etc.

Charta ann. 1186. in Maceriis Insulæ Barbaræ tom. 1. pag. 124 :

Idem vir nobilis dedit et concessit eidem monasterio in perpetuam eleemosynam sine omni Retenimento, etc.

Adde Chartam ann. 1109. in Probat. novæ Hist. Occitan. tom. 2. col. 373. etc.

les Bénédictins de St. Maur, 1733–1736.

Retinamentum. Charta ann. 1113. apud Mabillon. tom. 3. Analect. pag. 473 :

Concedimus prædictis Martyribus in canonica sine Retinamento ullo ad possidendum perpetuo jure.

Richardus Rex Angliæ in Chartis Ducum Norman. et Regum Fr. pag. 1052 :

Quando hæc permutatio facta fuit integre cum omni sequela et moltura sua, sine aliquo Retinamento eorum, quæ ad molendina pertinent.

Eadem forma qua Retinaculum dictum est Retinamentum.

les Bénédictins de St. Maur, 1733–1736.

Retinimentum, Eodem intellectu. Charta ann. 1127. in Probat. Hist. Occitan. tom. 2. col. 444 :

Ego Rolandus de Bisano, absolvo et guirpio per fidem sine enganno et sine ullo Retinimento, etc.

Similis exstat locutio in alia Charta ann. 1142. ibidem col. 495. Adde Chartam ann. 1172. in Instrument. Novæ Gall. Christ. tom. 6. col. 86. aliam Godefridi Lingon. Episc. in iisdem Instrum. tom. 4. col. 179. etc.

les Bénédictins de St. Maur, 1733–1736.

Retinentia, Eadem notione. Donatio ann. 1080. in Instrum. novæ Gall. Christ. tom. 6. col. 23 :

Sed hæc omnia remaneant sine ulla observatione et Retinentia omni tempore in communia prædictæ Canonicæ S. Pauli.

Rursus occurrit in alia Donatione ann. 1142. ibid. col. 37. Conventione ann. 1111. in Probat. novæ Hist. Occitan. col 378. in Charta ann. 1145. ibid. col. 510. in alia ann. 1149. ibid. col. 525. etc. Vide Retenta, Retentatio 2. Retentus et Retinaculum.

RETEMPTUS RETENEZO © École des chartes.

« 1 retinentia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 161a. http://ducange.enc.sorbonne.fr/RETINENTIA1

1. RETINENTIA, Gall. Retenue. Esse de alicujus Retinentia, dicitur, qui alicujus obsequio addictus est, familiaris, domesticus. Statuta secunda Roberti I. Regis Scotiæ cap. 34. § 2 :

Nec aliquis gerens robas domini, nec aliquis de consilio suo, vel Retinentia sua, etc.

Chronicon Anglic. Thomæ Otterbourne pag. 203 :

Occurrerunt sibi plures domini et valentes cum suis Retinentiis, nullis tamen animo nocendi Duci Lancastriæ.

Et infra :

Confestim venerunt plurimi de familia patris sui et sua propria Retinentia.

Vide Retentio et Retenementum.

P. Carpentier, 1766.

◊ Quæ ad victum et vestitum necessaria sunt, ab aliquo recipere, Gall. :

Etre entretenu par quelqu'un.

Vide infra Retinere 2.

« 2 retinentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 161b. http://ducange.enc.sorbonne.fr/RETINENTIA2

2. RETINENTIA, Eadem notione atque supra Retenuta 2. Stat. pro reformat. regni Navar. ann. 1322. in Reg. Cam. Comput. Paris. sign. Noster fol. 437. r° :

Castellanus dicti castri habeat decem homines, et pro quolibet homine quinque raficia tritici et viginti solidos per annum, ultra Retinentiam consuetam, quæ est de decem hominibus, quinquaginta raficia tritici et decem libras Turon. et sic erit tota Retinentia de viginti hominibus, centum raficia tritici et viginti libras Turon...... Item cum castrum Doro haberet majorem Retinentiam quam deceret, fuit ordinatum, quod dictum castrum habeat pro Retinentia totius anni lx. sol. et xv. raficia tritici.

Hinc patet ea voce non præsidiarios milites tantum, sed et eorum stipendia et ad victum necessaria, scriptores significasse. Vide Garnisio in Garnire.

« 3 retinentia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 161b. http://ducange.enc.sorbonne.fr/RETINENTIA3

3. RETINENTIA, Jus quod habet quis in rem aliquam. Charta ann. 1162. inter Instr. tom. 6. Gall. Christ. col. 439 :

Sic remota omni Retinentia nostra, damus Deo et B. Mariæ de Rivo-nitido omnibusque habitantibus in ipso loco, totum habendum et tenendum ad omnem voluntatem suam in toto, et de toto sub proprio jure et allodio in perpetuum faciendam.

« 4 retinentia » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 161b. http://ducange.enc.sorbonne.fr/RETINENTIA4

4. RETINENTIA, Conditio, exceptio.

Sub hac Retinentiæ forma, quod, etc

. in chart. ann. 1353. apud Haltaus. Gloss. Germ. col. 1989. voce Vorbehalt, et Retenuta 1.