« »
 
SACCUS 1, SACCUS 2, SACCUS 3, SACCUS 4, SACCUS 5, SACHUS 1, SACHUS 2, SACUS.
[]« 1 saccus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 252b. http://ducange.enc.sorbonne.fr/SACCUS1
1. SACCUS, Sacci, Sacculi, in ministeriis Ecclesiasticis recensentur. Ordo Romanus de Pontifice ex Secretario ad altare procedente :
Acolyti autem, qui inde fuerint, observant, ut portent chrisma ante Pontificem, Evangelia, sindones, et Sacculos, et aquammannus post eum.
Infra :
Post expletum, Agnus Dei : et accedentes Subdiaconi sequentes cum Acolytis, qui Saccula portant a dextris et a sinistris altaris, extendentibus Acolytis brachia cum Sacculis, Subdiaconi sequentes stant a fronte, ut parent sinus Sacculorum Archidiacono, ad ponendas oblationes, prius a dextris, deinde a sinistris.
Mox enarrat ut eæ oblationes ab Acolytis confringantur, et ex iis populus communicet. Vide Mabill. Commentar. in Ordinem Roman. pag. liv. lv. et cv.
Sacculus ad reponenda corporalia, in Charta ann. 1197. apud Ughellum tom. 7. pag. 1275.
Saccorum Consuetudo, seu Præstatio saccorum ad frumentum dominorum adducendum. Tabularium Ecclesiæ Carnotensis ann. 1207. ch. 91 :
Excepta una mina avenæ, pro submonitione Saccorum facienda.
Charta Hugonis Decani Altissiodorens. ann. 1280. Tabular. Eccl. Altis. fol. 249 :
Consuetudinem de saccis tradendis ad dictum bladum adducendum.... remittimus.
Nescio, an aliud fuerit,[] saccagium, seu le droit de saccage, quod ad Episcopum Morinensem pertinere dicitur in Consuetudine Tarvannensi art. 7. Aliam notionem profert supra in Saccare.
les Bénédictins de St. Maur, 1733–1736.
Saccus cum Brochia, Servitii species debiti a tenentibus domino, cum in exercitum proficiscitur. Vide Brochia, et infra in Sagma.
P. Carpentier, 1766.
◊ Nostri Faire le sac à une fille dixerunt, pro Puellam liberiori impudentique joco, lecti linteo quasi sacco involvere. Lit. remiss. ann. 1375. in Reg. 107. Chartoph. reg. ch. 209 :
Icellui Fenin ala au lit de laditte fille, et de l'un des draps dudit lit y fist le Sac. dont grans paroles furent par laditte ville... Girart dit audit Fenin, Laisse-moi en paix, mieulx te vausist depporter de moi plus dire villenie, et aussi de fréquenter avec la fille de Gui bert mon compere contre sa voulenté ; à laquelle fille tu as fait le Sac en son lit et la deshonores, dont tu fais mal et peichié.
P. Carpentier, 1766.
Saccos ad Submergendum habere, majoribus justitiariis tantum competit. Privil. civit. Caturc. ann. 1344. in Reg. 68. Chartoph. reg. ch. 312 :
Habent (consules) publice compedes ligneos et ferreos, et archam ad incarcerandum maleficos, et Saccos ad submergendum, et construunt, mutant et reparant spillorium et furchas patibulares.
Vide Submergium.
© École des chartes.
[]« 2 saccus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 252c. http://ducange.enc.sorbonne.fr/SACCUS2
2. SACCUS, Ponderis lanarii species. Constat autem 28. petris, petra vero 12. libris et dimidia, in Fleta lib. 2. cap. 12. § 1. cap. 79. § 10. At Spelmannus ait, saccum lanæ apud Anglos continere 26. petras : petram libras 14. ex 1. Statuto Edw. III. cap. 21. Aliter denique Regestum Peagiorum Parisiens. :
Le Sac de laine d'Angleterre doit peser 39. pierres, et s'il pesoit moins, le vendeur deveroit restorer à l'acheteur le moins.
Ita in Anglia diversimode acceptum hoc pondus. Skenæus ad Statuta Davidis II. Regis Scotiæ cap. 39. ait, apud Scotos Saccum lanæ 24. petras, petram vero 16. pondo Turonensia continere. Vide Guill. Prynneum in Libertatibus Eccl. Angl. tom. 3. pag. 185.
les Bénédictins de St. Maur, 1733–1736.
Sachus, Eadem notione, in Epist. Simonis Buchanigræ Ducis Januens. ann. 1358. ex Tabular. Massil. :
Quidam super una bancha derrobavit de Sachis sex lanæ, etc.
les Bénédictins de St. Maur, 1733–1736.
Saccus Salis.
Le sel se met aucunes fois en sacz, et contient chascun sac, les ungs un quintal de grenier, les autres trois quartes
, in Charta ann. 1445. tom. 1. Hist. Dalph. pag. 90. col. 2.
les Bénédictins de St. Maur, 1733–1736.
Sacculum Vini, Vas vinarium, seu potius mensuræ vinariæ species. Charta ann. 1266. ex Chartul. S. Vandreg. tom. 2. pag. 1411 :
Vendidimus.... viris religiosis dom. abbati et conventui S. Vandregisilli quoddam Sacculum vini, seu totum vinum quod percipiebamus.... in clauso sive in pressorio dictorum religiosorum ratione servicii nostri feodati, et omne illud quod poteramus petere seu exigere ab ipsis ratione dicti Sacculi, sive ratione dicti vini in tempore vindemiarum, pro decem lib. Paris.
In Glossis Lat. Græc. Saccus vinarius, ὑλιστήρ, est colum seu saccus per quem vinum expurgatur. Vide Saccare.
P. Carpentier, 1766.
◊ Dubito an huc spectet vox Gallica Sac inter Jura buticularii, in Reg. Cam. Comput. Paris. sign. Pater. fol. 155. v°. col. 2 :
Celui qui les va querre (les lies) et les prent ou nom du bouteiller, il convient qu'il apporte ou celier son Sac et sa jalle.
Vide in Saccus 2. []
© École des chartes.
[]« 3 saccus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 253a. http://ducange.enc.sorbonne.fr/SACCUS3
3. SACCUS, inter vestes regias recensetur in Ordine ad consecrandum Regem Franciæ :
Item caligis sericis et jacinthinis intextis per totum liliis aureis et tunica ejusdem coloris et operis, in modum tunicalis, quo induuntur Subdiacom ad Missam, nec non et Sacco prorsus ejusdem coloris et operis, qui est factus in modum cappæ sericæ absque caperone.
Ubi Renatus Benedictus vertit, un sac, ou manteau, etc.
les Bénédictins de St. Maur, 1733–1736.
◊ Saccus eo loci idem quod nostris olim Sercot, ut perspicuum fit ex vernacula Ordinat. eadem de re in Cod. MS. Sangerman. fol. 15 :
Item les chauces de soie de couleur de violete broudées ou tissuës de flour de Lys d'or, et la cote de celle couleur et de cet euvre meismes faite en manere de tunique dont les soudiacres sont vestus à la Messe, et ovecques ce le Sercot qui doit estre du tout en tout de celle meismes couleur et de celle meismes euvre, et si est fait à bien près en manere d'une chappe de soie sans chaperon.
◊ Σάϰϰον etiam seu Saccum induebant Imperatores Constantinopolitani, ut est apud Codinum de Offic. cap. 6. n. 35 :
Ὅτε γοῦν ὁ βασιλεὺς τὸ στέμμα φορεῖ, ἕτερόν τε ἔνδυμα οὐ φορεῖ, εἰ μὴ τὸν σάϰϰον ϰαί τὸ διάδημα.
Ubi Goarus :
Talaris tunica ex villoso serico totum corpus obtegens, nullisque sinuum undis circa illud ludens, aut mota, verum nonnihil angusta, liberos, ut videtur, incessus non permittens, ac denique Sacci figuram referens, Saccus est.
Quibus verbis innuit, eas vestes, quibus Theodorus Lascaris, Michael Palæologus, aliique Imperatores vulgo effinguntur in edit. Nicephori Gregoræ Wolphiana, Willharduini edit. Lugdun. Rhamnusii Hist. CP. et alibi passim. Vide Gloss. med. Græcit. col. 1323. in Σάϰϰος.
◊ Fuit etiam Saccus apud Græcos vestis Patriarcharum, vel Episcoporum de qua Phranzes lib. 3. cap. 23. Hist. Polit. pag. 20. et alii a Meursio laudati Scriptores. Hæc vestis tanti apud Græcos æstimatur, ut singulis annis ter tantum a majoribus Episcopis deferri licitum sit, et ideo purpureum esse non possit. Vide Gloss. mediæ Græc. in Σάϰϰος, et Marcam de Concor. sac. et imp. pag. 808.
Saccus vulgo inter Monachicas vestes recensetur, diciturque fuisse sordidum quoddam amiculum, quod cæteris vestimentis superaddebatur : in quo a cilicio differebat, seu tunica, e pilis caprinis texta, quæ carni nudæ adhærebat. Saccinea tunica, apud S. Hieronymum in Vita S. Hilarionis cap. 38. Alibi Saccum vocat S. Augustin. in Psal. 29. enarrat. 2 :
Saccus de capris conficitur et hœdis.
Basilius M. Ep. 120. apud Hoeschelium ad Vitam S. Antonii :
Σάϰϰῳ δὲ τραχεῖ τὸ σῶμά σου δίανύττων, ϰαὶ ζὼνῃ σϰληρᾷ τὴν ὀσφῦν σου παρασφίγγων, ϰαρτεριϰῶς τα ὀστᾶ σου διέθλιϐες.
Gregorius Decapolita de Miracul. S. Gregorii num. 47. de Saraceno, qui Monachum induerat :
Καὶ ἐξεδύθη τὰ τῆς βασιλείας χρύσεα ἱμάτια, ϰαὶ ἐνεδύθη τινὰ πενιχρὸν σάϰϰον τρίχινον, etc.
Et n. 49 :
Ἐνδεδυμένος τὰ δυσώδη τρίχινα, etc.
Vide Socratem lib. 7. cap. 22.
Cingulum sacceum,
apud S. Hieronym. Epist. 22. cap. 12. ex eodem panno, quo sacci fiebant. Vide Gloss. med. Græcit. in Σάϰϰος.
Saccus, pro eo lecti instrumento, quod Paillasse vocamus. Regula Ordinis Canonicorum S. Marci de Mantua in Regesto Alexandri IV. PP. anni 7. Epist. 24. ex Bibl. Regia :
Sufficiat autem cuilibet unus Saccus et unum capitale de plumis, quod duorum pedum longitudinem [] non excedat.
Charta ann. 1267. in Chartul. Domus Dei Pontisar. :
Debet unum sextarium avenæ,.... et culcitram et Saccum et duas corvatas in anno.
Vide Fisco.
© École des chartes.
[]« 4 saccus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 253b. http://ducange.enc.sorbonne.fr/SACCUS4
4. SACCUS, Fiscus, thesaurus. Augustinus in Psalmum 146. et ex eo Isidor. lib. 20. cap. 9 :
Fiscus, Saccus est publicus.
Charta Rogerii Regis Siciliæ apud Constant. lib. 4. Hist. Siculæ pag. 187 :
Sed si ex commissis per eos aliquid regio competat Sacco, etc.
Sacculus, Eadem notione. Arnobius in Psalm. 118 :
Nummus non est in Sacculo, vestimentum in conditis non est, etc. Μιλιαρασίων σαϰϰία ἐννέα,
apud Scylitzen pag. 545. Gregorius M. lib. 1. Epist. 42 :
Quia nos Sacculum Ecclesiæ ex lucris turpibus nolumus inquinari.
Huc etiam spectant quæ de Johanne Gorziensi leguntur apud Mabill. tom. 3. Annal. pag. 418 :
Illud semper cavit, ne Sacculus monasterii qualibet unquam doli vel miserorum fraude vel calamitate contaminaretur.
Charta Longob. in Bullario Casinensi tom. 2. pag. 12 :
Quia suscepi in præsentia testium ego Rotharit Abbas a vobis Anselperga Abbatissa ex Sacculo ipsius Monasterii per Misso vestro in auro solidos novos prætestatos ac coloratos numero 44. finitum pretium, etc.
Saccellum et Sacellum, Eodem etiam significatu. Corippus lib. 4. vers. 334 :
Gratior Augusti servans pia gaza Sacelli.
Gregorius M. lib. 12. Epist. 27 :
Et quia easdem Chartas emere paratus est, et dixi, non valde necesse est, ut ex me aliquid serenissimis Principibus dicatur ; sed magis ex se agat Dilectio tua, quatenus oblatis in Sacella consuetudinibus honores mereatur accipere.
Anastasius Bibl. in Vita S. Joannis Eleemosyn. num. 18 :
Quæ deferuntur tibi pecuniæ, da eas Imperio, da eas in publicum Saccellum.
Charta Childeberti Reg. pro Monasterio S. Sergii Andegav. :
Nisi quod inferendam ipsam idem Abbas... annis singulis in Sacellum publicum reddere deberet.
Charta Theodorici Regis Franc. in Actis Episcopor. Cenoman. pag. 186 :
Et illos alios 200. auro pagens ... vel qui ipsam Ecclesiam sperare videntur, reddebatur, et in Sacello publico fuit consuetudo reddendi, etc.
Adde pag. 217.
Sacellum Regis
, pro
fiscus
, in Concilio Metensi ann. 753. cap. 3. 4. et in Capitul. Caroli M. lib. 5. cap. 11. 13. Charta ejusdem Caroli M. apud Sammarthanos in Episcopis Cabilonensibus :
Si quis autem.... violare præsumpserit, solidorum sexcentorum munere se cognoscat culpabilem, ita ut duas partes in archivum ipsius Monasterii reddat, et tertia parte ad fiscum nostro Sacello multam componat.
Rogerus Hovedenus pag. 704 :
Thesaurum quoque Regis exinaniverat prorsus, ut in omnibus Scriniis vel sacellis nihil præter claves, de toto isto biennio posset inveniri.
P. Carpentier, 1766.
Saccus, Crumena, marsupium. Arest. scac. Paschæ ann. 1286. in Reg. S. Just. ex Cam. Comput. Paris. fol. 40. r°. col. 2 :
Quicumque de parentela vendentis, hujus hæreditatem retrahere voluerit, infra quadraginta dies a publicatione hujus numerandos veniens cum Sacco paratus audietur.
Id est, cum pecunia ad redemptionem necessaria.
Sacellum, est Crumena. Gloss. Græc. Lat. : Βαλαντίδιον, Sacellum. Glossæ S. Benedicti cap. de vestimentis : Sacellum, μαρσύπιον. Paulus lib. 2. Sentent. :
Si Sacellum vel argentum deposuero, et is, penes quem depositum fuit me invito contrectavit,[] etc.
Acta purgationis Cæciliani :
Confitere, quod folles dedit Victor, ut Presbyter fieret. Castus dixit : Obtulit, domine, Sacellum, et quod habuerit, nescio.
Sacellarius, Sacelli, seu fisci custos. Gloss. Gr. Lat. : Βαλαντιοφύλαξ, Sacellarius. Scholiastes Gregorii Nazianz. Orat. 1. in Julian. :
Σαϰέλλιον, Ῥωμαϊϰὴ λέξις ἐστί, φυλαϰὴν τῶν χρημάτων σημαίνουσα, ὅθεν ϰαὶ Σαϰελλάριον ϰαλοῦσι τὸν ταμίαν ϰαὶ φύλαϰα τῶν χρημάτων.
P. Carpentier, 1766.
◊ Tract. de Nomin. judic. ad calcem Ord. Rom. ex Cod. reg. 4188 :
Saccellarius debet habere curam monasteriorum, ancillarum Dei et in festivitatibus debet introducere ante imperatorem.
Vide Sacella sacra. Lib. de Mirabil. Romæ ibid. :
Qualiter milites accipiebant a senatu donativa sua per Saccellarium, qui administrabat hoc.
Male Savellarius editum apud Montemfalc. in Diar. Ital. pag. 290.
les Bénédictins de St. Maur, 1733–1736.
Saccellarius Pauperum, Qui Saccellum seu marsupium defert, unde pauperibus eleemosynam erogat. Vita S. Ramuoldi sæc. 6. Bened. part. 1. pag. 13 :
Ipse vero marsupium secum portans, unde propriis manibus nummos et obulos egenis et peregrinis tempore opportuno erogaret, Saccellarius eorum appellari et esse non erubuit.
Arnoldus de S. Emmer. lib. 2. cap. 16.
◊ Habuisse Imperatores Constantinopolitanos
Sacellarios suos
, docet Theophanes anno 25. Heraclii, et in Justiniano, cui βασιλιϰοὶ Σαϰελλάριοι dicuntur. Gregorius M. lib. 4. Epist. 34. ad Constantinam Augustam :
Sed breviter judica, quia sicut in Ravennæ partibus Dominorum pietas apud primum exercitum Italiæ Sacellarium habet, qui causis supervenientibus quotidianas expensas facit ; ita et in hac urbe in causis talibus eorum Sacellarius ego sum.
Vide Anastasium Biblioth. in Theodoro PP. et Glossar. med. Græcit. col. 1320.
◊ Habuerunt etiam Imperatores Occidentis. Gerardus Episcopus Cameracensis in Epistola ad Henricum III. Imp. :
Sicut Liberalitas vestra Sacellarium habet, quo causis supervenientibus cotidianas expensas faciat, ita, etc.
◊ Habuerunt pariter Reges nostri Sacellarios suos, quos Hincmarus in opusculo de Ordine Palatii, minoribus Officialibus accenset. Tancolfi Sacellarii sub Ludovico Pio mentio est in Annalibus Eginhardi.
◊ Suos etiam Sacellarios habuisse Anglo-Saxones testatur Adam Bremensis cap. 215.
◊ Ecclesiæ Romanæ Sacellariorum, quibus perinde Sacelli seu fisci Ecclesiastici cura incubuit, mentio est in Concilio Romano sub Zacharia PP. ann. 745. in Annalibus Francor. ann. 801. apud Joannem Diacon. in Vita S. Gregorii M. lib. 2. cap. 23. Anastasium in Constantino PP. pag. 65. in Gregorio II. pag. 66. Liutprand. Histor. Otton. cap. 9. Mich. Cerularium Patr. CP. in Edicto de projecto pittatio pag. 166. apud Allatium de Libr. Eccl. Gr. et Auctorem Ordinis Romani, qui ait,
Sacellarium unum fuisse ex quatuor, qui equitantem Pontificem comitantur, et supplicantium preces una cum Nomenclatore discussisse
.
◊ Denique Sacellarii dignitas magna fuit in Ecclesia Constantinopolitana. Guillelmus Bibliothecarius in Hadriano II. pag. 228 :
Ibi a Paulo librorum custode, Joseph, vasorum custode, simulque Basilio Sacellario, Ecclesiasticis vestibus indutis salutati, etc. Μέγας Σαϰελλάριος,
[] apud Gregorium in Vita S. Basilii Junioris num. 26. Τῆς μεγάλης ἐϰϰλησίας Σαϰελλάριος, apud Nicetam in Isaacio lib. 2. num. 4. Σαϰελλάριος τοῦ Πατριάρχου, in Chronico Alexandrino pag. 872. Vide præterea quæ de hacce dignitate adnotamus in Constantinopoli nostra Christiana, ubi de Secretis Ecclesiasticis agimus, et Glossar. med. Græcit. col. 1320.
© École des chartes.
[]« 5 saccus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 254a. http://ducange.enc.sorbonne.fr/SACCUS5
5. SACCUS, Instrumentum piscandi, retis genus. Litteræ Philippi Aug. Reg. Fr. ex Tabul. S. Quintini de insula pag. 79 :
Ad vervilia rotunda et ad Saccum piscari poterunt.
Vide Sach et Sachus 2.
© École des chartes.
[]« 1 sachus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 256a. http://ducange.enc.sorbonne.fr/SACHUS1
1. SACHUS, pro Saccus. Statuta Vercell. lib. 3. fol. 72. v° :
Item quod nullus asinarius seu molendinarius sedeat seu ascendat Sachum vel Sachos farine vel grani, sed vadat pedester.
Vide Saccus 2.
© École des chartes.
[]« 2 sachus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 256a. http://ducange.enc.sorbonne.fr/SACHUS2
2. SACHUS, Instrumentum piscandi, retis genus. Charta ann. 1386. apud Pez. tom. 6. Anecdot. part. 3. pag. 76. col. 2 :
Nostri censuales homines, hæredes et successores eorum in aqua Multavæ cum parsis seu retibus, quæ vulgariter Sachi et ezrizeny appellantur, poterint piscari duntaxat.
Vide Saccus 5.
© École des chartes.
[]« Sacus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 263c. http://ducange.enc.sorbonne.fr/SACUS
SACUS, pro Saccus, in Literis Philippi Pulchri Reg. Franc. ann. 1291. tom. 4. Ordinat. pag. 19. Informat. pro Passagio transmar. ex Cod. MS. Sangerm. :
Item bis coctum pro duabus personis unum Sacum appellatum de moison.
© École des chartes.