« »
 
SOLIDATA, SOLIDUS 1, SOLIDUS 2, SOLIDUS 3.
[]« Solidata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 516a. http://ducange.enc.sorbonne.fr/SOLIDATA
SOLIDATA, Valor unius solidi. Charta ann. 1069. apud Sammarthanos in Archiep. Aquensib. num. 22 :
Constitutum est ab utrisque, ut Abbas Rotlannus et Monachi Archiepiscopo Rostagno tunc temporis 240. Solidatas darent, et omni anno persolverent in censum sanctæ Aquensi Ecclesiæ in die Sabbati sancti duas libras legales incensi optimi, etc.
Raimundus de Agiles pag. 153 :
Coria vero boum et equorum, et alia neglecta ex longo tempore illa similiter diu cocta, karissime vendebantur, adeo ut duas Solidatas quilibet comedere posset.
Tabularium Lucense, apud Marcam in Hist. Beneharn. lib. 4. cap. 6 :
Inde accepit Vicecomes ipse unum mulum de mille solidis, et duos equos de mille Solidatis.
Statutum pro Hospitio Philippi M. Regis Franc. ann. 1317 :
Le Cancelier s'il est Prelat, ne prandra riens à court ; et s'il est simple Clerc, cinq Souldées de pain, trois sestiers de vin, etc.
les Bénédictins de St. Maur, 1733–1736.
◊ Solidatam accipi debere pro valore unius solidi suadent cum ipsa vocis origo, tum Chartæ veteres plurimæ, in quibus hæc vox occurrit. Aliæ nihilominus exstant quæ Solidatam a solido distingunt, et majoris vel minoris esse pretii quam solidus innuere videntur ; adeo ut rem lectoris judicio permittendam esse satius existimemus. Unum esse cum solido præter allata a doctiss. Cangio probant Charta ann. 1118. inter Probat. tom. 2. novæ Hist. Occit. col. 405 :
Et propter hoc accepimus a te quingentas Solidatas.
Alia ann. 1140. ibid. col. 492 :
Propter hoc mihi firmasti dare quinque millia Solidatas ad primam festivitatem S. Michaelis.
Testament. Ermengaudi Episc. Agathensis ann. 1149. inter Instr. tom. 6. Gall. Christ. novæ edit. col. 323 :
Nepoti meo Guillelmo de Subiras relinquo equum et mulum et ducentos solidos vel Solidatas.
Charta ann. 1237. tom. 1. Hist. Dalphin. pag. 19 :
Dominus[] Comitatus eisdem centum Solidatas, vel centum solidos dare tunc teneatur in reversu suo citra bornam.
Chartul. majus S. Victoris Massil. pag. 91 :
Dedi in pretium centum Solidatas grandes et largas.
Charta ann. 1203. ex Tabul. B. M. de Bono nuntio Rotomag. :
Concessi in perpetuum hereditagium priori et conventui B. M. de prato juxta Rothomagum quatuor Solidatas et dimidiam monetæ currentis annui redditus.
Tabular. Fiscamn. :
Concessi..... tres Solidatas redditus pro suo servitio quod mihi quondam fecerunt.
Index MS. benefic. Eccl. Constant. fol. 46. v° :
Abbas de S. Salvatore percipit centum Solidatas decimarum leguminum et bladorum.
Adde Spicil. Acher. tom. 9. pag. 144. Lobinell. tom. 2. Hist. Britan. col. 149. etc. At vero a solido secernunt Charta sub Rodulfo Rege ex Chartul. Aptensi fol. 64 :
Unde et accepimus de te pretium, sicut inter nos et te bonæ fidei placuit atque convenit, in merce placibile Solidatas viginti duas, hoc est, de illa terra et de illa vinea solidos sex et denarios decem, et post te nihil remansit indebite.
Sententia ann. circ. 1080. ex Biblioth. Colbert. :
Debet Imbertus mittere tria milia Solidatas ad pretium vicecomitatis et solidos centum quinquagenta de damno de batallerio, et Bernardus de Aviciano debet emendare Imberto tenezonem ipsius honoris quam fecerat solidos quinquaginta, et debet mittere in batallia Solidatas mille quingentas ad pretium vicecomitatis, et centum quinquagenta solidos de dampno de batallerio.
Tabular. Pontisar. :
Pro vadimonio lx. solidorum Monachi Pontisarenses dederunt xxxv. Solidatas, et quando dabit xxv. solidos, habebunt remanentem.
Charta ann. 1112. inter Probat. tom. 2. novæ Hist. Occitan. col. 382 :
Ego Bernardus Atonis donavi tibi Raimundo Comiti quindecim millia inter solidos et Solidatas Melgorienses.
Idem innuitur supra ex Tabul. Lucensi. Solidata pro 12. solidis computari videtur in Charta ann. 1134. ex Chartul. Saviniac. fol. 137 :
Definitum est ut hominium faceret abbati, et ut ipsa die centum Solidatæ ab abbate illi darentur. Pro hac acquisitione donavimus ei 1200. sol.
Rem definivisset, si eadem die 1200. solidos persolutos fuisse dixisset.
P. Carpentier, 1766.
◊ Souldée, eadem acceptione, in Lit. remiss. ann. 1385. ex Reg. 128. Chartoph. reg. ch. 227 :
Comme le suppliant eust acheté en la ville d'Arras dix Souldées de petites mailles, qui n'estoient pas de nostre coing, etc.
les Bénédictins de St. Maur, 1733–1736.
Solidatus, Eodem significatu. Chartul. sancti Vandreg. tom. 1. pag. 387 :
Concessi... quatuor Solidatus Turon. annui reditus.
les Bénédictins de St. Maur, 1733–1736.
Solidata, Idem quod Pondus, libra, ni fallor. Charta censualis Leduini Abbat. S. Vedasti ann. 1036. ex Chartul. V. ejusd. Mon. f. 243 :
Quinque Solidatæ lanæ, 1. den. Quinque Solidatæ fileti, 1. den. Quinque Solidatæ saxæ carnis, 1. den.
Tabul. Gemmet. :
Comes Robertus, vel quicumque terram tenebit hæres suus ex devotione, recognitione etiam, quod sæpedictum castellum in terra Gemmeticensis Monasterii est scitum, singulis annis in festo Apostolorum Petri et Pauli decem Solidatas ceræ tradet Priori de Beu, unde fiet cereus, quem idem Prior ad Gemmeticense Monasterium deferet, ut accensus in die festo ad memoriam et honorem ibi affulgeat.
Testam. Bernardi de Turre ann. 1317. apud Baluz. tom. 2. Hist. Arvern. pag. 570 :
Præcipio quod legatum eisdem Monialibus factum per [] bonæ memoriæ patrem meum quondam reddatur eisdem, videlicet decem Solidatæ panis qualibet die Lunæ in perpetuum cujuslibet septimanæ ante Missam.
Inquisitio MS. pro canonizat. S. Yvonis :
Cum non esset de pane plus quam septem vel octo Solidatæ, et esset magna caristia panis ; fuerunt ibi plusquam 200. pauperes qui de isto pane elemosinam habuerunt. Souldée de pain,
eadem notione, supra ex Statuto ann. 1317.
P. Carpentier, 1766.
◊ Libra cujus valor æstimatur uno solido, ut efficitur ex Chartul. S. Germ. Prat. sign. tribus crucibus fol. 87. v°. col. 2 :
Unus modius vini, quinque Solidatæ carnis, vel si maluerit, quinque solidi.
Charta ann. 1268. ex Tabul. Cartus. B. M. de Parco :
Giletus de Monte Guidonis armiger dedit in perpetuam elemosinam B. Mariæ de Parco quinque Solidatas frumenti annui redditus. Decem Solidatas piscium,
in Necrol. priorat. S. Rob. Cornill. ex Cod. reg. 5247.
Solidata Terræ, Modus agri ad valorem annuum unius solidi. Monasticum Anglic. tom. 1. pag. 112 :
Anselmus de Gorney dedit...... quinque Solidatas terræ in Beverstona, cum advocatione ejusdem villæ, etc.
Tom. 2. pag. 98 :
Quadraginta Solidatas in villa de Hebi, etc.
Infra :
Terram de Riseberga, quæ solebat reddere 30. solidos, etc.
Charta Seguini Episcopi Matiscon. ann. 1260 :
Cum Guillelmus de Oblato Miles ab Ecclesia Cluniacensi 60. Solidatas terræ teneret in feudum, etc.
Regestum feodorum Campaniæ fol. 69 :
Debet facere continuum estagium apud S. Menoldim, et domina Comitissa debet ei assignare centum Solidatas terræ.
Infra :
Amaurricus li Rocles ligius de domo patris sui de Cepelie, et furno ejusdem villæ, et centum Solidatis terræ, quas domina Comitissa illi debuit assignare, etc.
Fol. 108 :
Petrus de Ruella fecit homagium de domo sua de Ruella, et de centum Solidatis terræ in Castellania Meldensi.
Charta Philippæ D. de Rameruco ann. 1227. in Tabulario Campaniæ Thuano :
Assignat terram illam, quam Ecclesia B. Margaretæ apud Richeborc habebat pro trecentis et viginti tribus libratis terræ, duabus Solidatis minus.
Alia Roberti Ducis Burgundiæ ann. 1274 :
En tele manere, que de chascune cent Sodées de terre et de rante, que lidiz Guillaumes Chevaliers ha en ladite ville d'Ayone et ès appartenances, lidiz Abbez et lidiz Couanz li doivent donner cent livres.
Charta ann. 1312. tom. 2. Hist. Eccl. Meld. pag. 198 :
Item la moitié du four de laditte ville de S. Fiacre estimé en la valeur de soixante Soudées de terre par an.
Charta Rodulphi Ducis Lothar. ann. 1341. in Hist. Mediani Monast. pag. 354 :
Tenetur assignare abbati et conventui..... decem Solidatas terræ ad parvos Turonenses solvendos anno quolibet.
Adde Will. Thorn. pag. 1805. 1806. Vide Libra terræ et Denariata.
P. Carpentier, 1766.
◊ Vox varie a nostratibus reddita :
Soissante Soudées à Parisis de terre,
in Charta ann. 1265. ex Chartul. S. Joan. Laudun. Alia ann. 1294. ex Chartul. 21. Corb. fol. 93. v° :
Tout ce que j'avoie à Thanes et ou terroir de ladite ville,.... est prisié en le valeur de quarente et une livre, chienc Saudées et trois denrées de terre chacun an. Solée,
in alia ann. 1339. ibid. fol. 139. v°.
Solidata, Stipendium unius solidi, quod datur militi. Eadmerus lib. de Similitudinib. S. Anselmi cap. 39 :
Illa vero serviunt ei velut militantes pro Solidatis, etc.
Adde cap. 80. Querimonia Berengarii Vicecomitis Narbonensis adversus [] Guiffredum Archiep. Narbonensem ann. 1056 :
Et munera illa suis militibus per Solidatas distribuit. i.
vice solidatarum. Infra :
Et eos, qui illos ceperunt, patrocinat, et dat eis Solidatas.
Charta Joannis Regis Angl. apud Matth. Paris ann. 1213 :
Et qui terram non habent, ut arma habere possint, illuc veniant ad capiendas Solidatas nostras.
Soldata. Jacobus I. Rex Aragon. in Foris Oscæ ann. 1247. fol. 8 :
Tunc debet ei dare integrum salarium secundum forum, scilicet quantam Soldatam convenit, pro quanta debebat ei servire.
Soldada, apud Brandaonem tom. 4. Monarch. Lusitan. pag. 304, v. Nostri Sodée, Soudée et soldée dicunt. Catholicon parvum : Stipendium, Soudée. MS. :
Qui veut Sodées, ne demorer à mi,
Or et argent aura à son plessir.
Alibi :
Qui en Sodées fut au Roy Anseis.
Assisiæ Hierosolym. MSS. cap. 130 :
Se Chevalier, Sergent d'armes, ou autre, qui ait esté sodoier, se veaut clamer de son Seignor, ou de sa Dame, de ce que l'on li doit de sa deserte de ses Sodées, il se doit clamer au Connestable, etc.
MS :
Dedens Cortric s'est en Soudées mis.
Infra :
Cil qui vint sa les Soudées querant.
Philippus Mouskes MS. :
Et les Soudées departoit
As Sergens et as Chevaliers.
MS. :
A chascun a doné Soldées,
Ou en deniers, ou en denrées.
Chron. Flandriæ cap. 107 :
Et alerent à lui plusieurs Alemans à Soudées à Tenremonde.
Octavianus de S. Gelais in Viridario honoris :
En celui temps se leva une noise
Entre Juifs, et nos gens de Souldée,
Tant de la garde Françoise qu'Escossoise.
Soldée, apud Willharduinum n. 120. Sos, in iisdem Assisiis Hierosolym. cap. 230 :
Doit querre un autre Chevalier, et retenir à ses Sos, qui sont usès de doner comunement à pays, se le deshaitié n'avoit plus grant Sos. Mais se il avoit plus grant, il ne le peut trover à tenir Sos comuns de la terre, etc.
Et infra :
Et véez enci la monoie des Sos dou Chevalier selon le cours des Sodées comunes de cetui Roiaume.
Soue, in Continuata Hist. Belli sacri Guillelmi Tyrii apud Marten. tom. 5. Ampl. Collect. col. 657 :
Il saisi toutes lor rentes et lor terres, et les assembla à sa Soue et à son benefice.
P. Carpentier, 1766.
◊ Sous, in Hist. Guill. Tyrii apud Marten. tom. 5. Ampl. Collect. col. 645 :
Manda par tout paienime querre chevaliers et serjans, et il lor donroit bon Sous. Soubzdée,
eodem significatu, in Lit. remiss. ann. 1411. ex Reg. 165. Chartoph. reg. ch. 294 :
Lequel jeune homme dist au suppliant qu'il le feroit recevoir et passer aux Soubzdées et gaiges du duc de Bourbon.
Solidum, Idem quod Solidata. Albertus Aquensis lib. 7. cap. 58 :
Nec longo post hæc intervallo Rex a militibus suis in urbe Japhet pro pecunia angustiatus est, quam illis debeat pro conventione solidorum, etc.
Occurrit rursum eod. cap. [] Idem lib. 10. cap. 41. :
Advenæ Galli, qui conventione Solidorum Imperatori militabant, etc.
Lanfrancus Epist. 35 :
Qui vero Rodulpho traditori et sociis ejus sine terra pro Solidis servierunt, etc.
Habetur etiam in Epistola Comitis S. Pauli de prima CP. expugnatione.
Soldum. Conradus Usperg. in Henrico VI :
Imperator vero c. millia marcarum sibi ab eodem data fecit militibus dari in Soldum.
Idem Uspergensis in Philippo Imper. :
Hic cum non haberet pecuniam, quibus salaria sive Solda præberet militibus, primus cœpit distrahere prædia, quæ Pater suus Fridericus Imperator late acquisierat in Alemannia.
Histor. Cortusiorum lib. 2 :
Stipendiarii omnino cassentur a Soldo Paduæ.
Charta ann. 1327. tom. 2. Hist. Dalph. pag. 213. col. 2 :
Cuilibet eorum (Armigerum) pro suo Soldo sive stipendio cujuslibet mensis decem florenos auri dumtaxat assignando.
Rolandinus Patav. in Chron. Tarvis. apud Murator. tom. 8. col. 308 :
Aperte lamentari cœperunt, quod Soldum sive salarium a suo sibi Communi promissum penitus habere non poterant.
les Bénédictins de St. Maur, 1733–1736.
Soldus, Eadem notione. Barthol. Scribæ Annal. Genuens. ad ann. 1224. apud Murator. tom. 6. col. 437 :
Et insuper alios milites habuit ad Soldos in partibus ipsis.
Ibid. ad ann. 1243. col. 503 :
Tunc Potestas celebrato consilio, de voluntate ipsius consilii processit, ut haberentur ad Soldos Communis Januæ milites, etc.
les Bénédictins de St. Maur, 1733–1736.
Solidus, Eodem intellectu. Epist. Friderici II. Imper. apud Marten. tom. 2. Ampl. Collect. col. 1200 :
Ducentos quinquaginta milites regni nostri, quos anno prædicto de pecunia ecclesiæ quietatos, sequenti anno ad Solidos nostros ibi fecimus detineri.
P. Carpentier, 1766.
Solidata, Salarium, merces. Constit. MSS. Alf. II. reg. Aragon. ann. 1333 :
Qui cum aliis pro domesticis et familiaribus morabuntur post mortem dominorum, non possent tenere salarium seu Solidatam, nisi probaverint, quod eis promissum fuerit certum salarium seu Solidatam.
Inventar. ann. 1476. ex Tabul. Flamar. :
Sub pensione annuali decem octo libralium frumenti, pro labore seu Solidata dictorum duorum bouum.
Solidare, Stipendium præbere, Gall. Soudoier, Italis Soldare. Senator lib. 3. Var. 51 :
Menstrua eum duximus largitate Solidandum.
Petrus de Vineis lib. 1. Epist. 1 :
Per satellites suos de pauperum patrimonio Solidatos.
Adde lib. 2. Epist. 49. Thwroczius in Geisa Rege Hungar. cap. 54 :
Et licet pecuniam dedisset affluenter pro militibus Solidandis, etc.
Chron. Siciliæ apud Marten. tom. 3. Anecd. col. 79 :
In quo (castro) fuerunt viri pedites balistrerii et lancerii 300. Panormitanenses, proinde Solidati per universitatem Panormi.
Oberti Annales Genuens. apud Murator. tom. 6. col. 397 :
Ostendit sibi valde adhuc esse necessaria libras mcc. pro galeis armandis,.... et Solidatis militibus.
les Bénédictins de St. Maur, 1733–1736.
Soldare, Soldeare, Eadem notione. Sallas Malaspinæ de Reb. Sicul. lib. 2. cap. 15. tom. 6. Miscell. Baluz. pag. 245 :
Multos de ipsa decima equites cum dicto Karolo venturos in regnum Soldat.
Et cap. 16. pag. 247 :
Quos (milites) summus Pontifex prædictus in ejusdem Ferrerii subsidium Soldari fecerat.
Barthol. Scribæ Annal. Genuens. apud Murator. tom. 6. col. 511 :
Dom. Innocentius Papa fecit Soldari in Lugduno milites md. quos in subsidium Parmensium et aliorum Lombardorum destinabat.
Ibid. col. 473 :
Dictus autem Carbonus dum.... [] destinatus fuisset in Siciliam, causa accipiendi et Soldeandi milites, et ducendi eos ad obsidionem Septæ, etc.
Solidarii, Milites, qui stipendio merent, qui Solidatam accipiunt pro stipendio, Soudoiers, Froissarti 1. vol. cap. 147. Litteræ Johannis Reg. Franc. ann. 1355. tom. 3. Ordinat. pag. 36 :
Et pour ce que pour fournir nostre guerre, il nous convient avoir des Soudoiers dehors notre royaume, tant de gens de cheval, comme de pié, etc.
Leges Henrici I. Reg. Angl. cap. 8 :
Conductitii, vel Solidarii, vel stipendiarii.
Ordericus Vital. lib. 4 :
Solidarios milites convocavit, omnesque, regali munificentia pro militari servitute muneratos, domum abire benigniter permisit.
Utuntur Galbertus in Vita Caroli Comit. Flandr. n. 81. 121. Herimannus de Restaurat. S. Martini Tornacensis cap. 42. Fulcherius Carnotensis lib. 2. cap. 42. Florentius Wigorn. ann. 1051. 1085. 1094. Otto Frising. lib. 1. de Gestis Frider. cap. 42. Will. Tyrius lib. 22. cap. 23. Simeon Dunelmensis ann. 1085. 1094. Radulfus de Diceto ann. 1051. Sugerius Epist. 153. etc. Assisiæ Hierosol. MSS. cap. 131 :
Par l'Assise et usage du Royaume de Hierusalem nul ne doit doner congié à son Sodoier, que il ne le paie, ou face paier, et le Conestable le peut de ce destraindre. Mais se le Sodoier prent congié, et le Seignor li done, il n'est pas tenu de paier le, que de tant de tems, come il a servi.
Cap. 132 :
Qui donne congié à son Sodoier dedans le mois 4 jours, il le doit paier de tout le mois, par l'assise et usage dou Roiaume de Hierusalem, et le Sodoier, qui prent congié de son Seignor, et il demeure dou mois à parfaire trois jours, ou plus, il pert sa deserte de celui mois, ne ne doit estre paié.
Solidarii Regiæ privatæ Masnedæ, aliquot subscribunt Diplomata Willelmi Regis Siciliæ ann. 1183. apud Rocchum Pirrum in Archiepiscopis Montis regal.
Soldarius, ex Gallico obsoleto Soldar. Hugo Flaviniacensis de Carolo Martello :
Tanta dedit militibus, quos Soldarios vocari mos obtinuit, qui ex omnibus mundi partibus causa questus ad eum concurrebant, etc.
Gesta Abbatum Lobiensium pag. 599 :
Excrevit in tantum adversus nos adversitas Soldariorum, ut villas mensæ nostræ congruentes sibi vendicare velint.
Mox :
Factores hujus rei sunt Soldarii Oibaldus, etc. quibus insuper et solidos auxit.
Brompton. ann. 1051 :
Rex Edwardus Anglos a gravi tributo solvit, quod eis pater suus propter Danorum Soldarios imposuerat.
Radulfus de Diceto habet hoc loco Solidarios. Chr. Angl. Th. Otterbourne pag. 252 :
Supervenientes Soldarii Calisiæ, dissolvi fecerunt obsidionem.
Oberti Cancellarii Annal. Genuens. apud Murator. tom. 6. col. 299 :
Et insuper omni tempore custodiam castri et merita Soldariorum de propriis præstarent.
Occurrit rursum col. 438. et tom. 3. Hist. Harcur. pag. 65. Will. Brito lib. Philipp. 10. de quadam meretrice bellatrice :
Quæ generosa nimis Soldaria facta, relicto
Conjuge, castra suo privabat significato.
les Bénédictins de St. Maur, 1733–1736.
Soldaderius, Eodem significatu. Caffari Annal. Genuens. ad ann. 1158. apud Murator. tom. 6. col. 270 :
Soldaderios, balisterios et archiferos tot ad civitatem miserunt, etc.
Chron. Parmense ad ann. 1296. apud eumdem tom. 9. col. 834 :
Item eodem anno in die carnisprivii Soldaderii Communis Parmæ equitaverunt versus Guardaxonum.
les Bénédictins de St. Maur, 1733–1736.
Soldaerius, in Memor. Potestatum [] Regiens. ad ann. 1284. apud eumdem Murator. tom. 8. col. 1161 :
Miserunt Florentiam et ad alias Thusciæ civitates, ut conducant Soldaerios ad congregandum exercitum.
les Bénédictins de St. Maur, 1733–1736.
Soldates, in Chron. Veronensi ibid. col. 649 :
Et cum ejus militia cepit eosdem dominos Hectorem de Panico, et prædictos tam cum omnibus equitibus suis, quam Soldatibus dictæ ligæ.
Soldatus, ex Gallico Soldat. Thwroczius in Calomano Rege Ungar. cap. 62 :
Quæ quidem civitates per Soldatos Parisanorum missos per Cæsarem expulsis Venetis sunt rehabitæ.
In Ludovico Rege cap. 19 :
Centum et 20. Soldatos armatos gentis permixtæ, etc.
Tabul. S. Martialis Lemovic. :
Non tenetur ad nutriendos Soldatos.
Regimina Paduæ apud Murator. tom. 8. col. 431 :
Et tunc cassati fuerunt Soldati domini Oderici. Soldatus equester vel pedester,
in Statutis Vercell. lib. 1. fol. 13. Adde Ludewig. tom. 4. Reliq. MSS. pag. 442. et Lobinell. tom. 2. Hist. Britan. col. 1513. Clossæ Basil. : Κολέδατος, στρατιώτης. Ubi legendum σολεδάτος.
les Bénédictins de St. Maur, 1733–1736.
Soldearius, in Charta apud Lobinell. tom. 2. Hist. Britan. col. 241 :
Fuit cum eis quidam miles Soldearius nomine Tangui filius Briencii.
Soldenarius, Eadem notione, ex Gallico Saudenier, quæ vox occurrit in Chronico Flandr. cap. 85. Gesta Philippi III. Regis Franc. pag. 538 :
In Romania destinavit D. Joannem de Apia Comitem cum Soldenariis francigenis fere octingentis.
les Bénédictins de St. Maur, 1733–1736.
Solderius. Barthol. Scribæ Annal. Genuens. apud Murator. tom. 6. col. 493 :
Missi fuerunt milites Solderii centum, et quamplures pedites per mare, etc.
les Bénédictins de St. Maur, 1733–1736.
Solditiarius, in Litteris Edwardi II. Regis Angl. ann. 1315. apud Rymer. tom. 3. pag. 543 :
Prædictum argentum in usus vestros fuit conversum et quibusdam vestris Solditiariis pro suis stipendiis distributum.
P. Carpentier, 1766.
Solidatarius, Miles, qui stipendio meret. Lit. remiss. ann. 1356. in Reg. 84. Chartoph. reg. ch. 732 :
Prænominati Solidatarii sic missi a dicto exercitu ;..... ipsos Solidatarios... adeo debellarunt, etc.
P. Carpentier, 1766.
Souderarius, Eadem notione, in Lit. remiss. ann. 1358. ex Reg. 87. Chartoph. reg. ch. 141 :
Stephanus de Rocherolles bastardus, archerius, Souderariusque in castro Pontis archæ, etc.
Nostris Saudoier et Sodéer. Lit. remiss. ann. 1392. in Reg. 143. ch. 88 :
Deux hommes Saudoiers de nostre très-cher et très-amé cousin le conte de Boulongne, etc.
Reg. Cam. Comput. Paris. sign. Noster fol. 269. r°. ubi de militibus ad partes transmarinas missis :
Item se insins estoit, que par le Soudan ou par autre grant nécessité, il fust mestiers que il feist autres granz mises et despens, ou en galies ou en Sodéers retenir ou autrement, etc.
Neque aliter intelligenda videtur vox Soudenier, in Reg. B. 2. ejusd. Cam. fol. 122. r° :
L'an 1336. sur ce que Jehan de Flours procureur ou commissaire sur le fait de la marque donnée contre les Genevois et les Saonois, avoit fait arrester à Paris Faudin Soudenier de Florance, etc.
MS :
Assemble grant chevalerïe,
Et sergens et abalestriers.
Tant a porquis de Saudoyers,
Que la terre gaste et essille.
© École des chartes.
[]« 1 solidus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 518c. http://ducange.enc.sorbonne.fr/SOLIDUS1
1. SOLIDUS, Ligius, vassallus in solidum. Charta Oldegarii Episcopi Barcinon. in illius Vita n. 37 :
Nulla erit licentia alicui extraneæ personæ donare,... nisi illi, qui ita sit fidelis et Solidus homo Ecclesiæ nostræ, sicut tu.
Ibidem :
Juro ego..... quod ab hac die et deinceps fidelis homo et Solidus ero tibi et Ecclesiæ tuæ.
Usatici Barcinonenses MSS. cap. 20 :
Cum suo seniore, cujus Solidus sit.
Cap. 31 :
Qui Solidus est de seniore, optime debet illi servire, vel secundum posse, vel secundum illorum conventionem, et senior debet eum habere contra cunctos, et nullus contra eum. Propterea nullus debet facere solidantiam, nisi ad unum Solidum seniorem, nisi concesserit ei senior, cujus primum Solidus fuerat.
Le Roman de la Rose :
Dame voici, il est mes sires,
Je suis son home liges entiers.
Vide Hominium solidum, et Solidantia.
© École des chartes.
[]« 2 solidus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 518c. http://ducange.enc.sorbonne.fr/SOLIDUS2
2. SOLIDUS, pro Aureo ante Constantinum Mag. usurpatus vix legitur, uti observatum a Scaligero lib. de Re nummaria : quo tum imperante vulgo obtinuit, quod etiam attigimus in Dissertatione de Imperatorum Constantinopolitanorum numismatibus, ex Codice Theodosiano. Gregorius M. lib. 1. Dial. cap. 9 :
Repente in sinu suo 12. aureos invenit ita fulgentes, tanquam ex igne producti eadem hora fuissent. Qui mox de Ecclesia egressus, eos in sinum furentis Presbyteri projecit, dicens : Ecce habes Solidos, quos quæsisti, etc.
Adde lib. 1. Epist. 23. 54. Gregorius Turonensis lib. 10. cap. 31. num. 16 :
Aurum etiam, quod decessor ejus reliquerat, amplius quam 20. millia solidorum pauperibus erogavit.
Vide eumdem lib. 4. de Miraculis S. Martini cap. 39. Solidum pariter pro aureo usurpat Fortunatus in Vita S. Germani Parisiensis cap. 22.
Solidus auro adpretiatus
, in Lege Bajuvar. tit. 1. cap. 4. § 1. cap. 6. § 2. cap. 10. § 2. tit. 3. cap. 14. § 3.
Solidus aureus integri ponderis,
in Lege Wisigoth. lib. 7. tit. 6. § 5.
Solidus auri
, in Edicto Theoderici Reg. § 150. Charta Karlomanni Regis apud Beslium in Regibus Aquitan. pag. 42 :
Trecentorum Solidorum auri ad purum excocti se noverit pœna mulctandum.
Odorannus in Chron. ann. 1031 :
Miserunt etiam a Parisiis per manum Odoranni Monachi auri Solidos 17. et denarios 8. et gemmas pretiosissimas, etc. Solidi auri optimi,
apud Helgaudum in Roberto Rege pag. 68. Vide Covarruviam de Veterum numismatum collatione cap. 3. et Haeftenum in cap. 27. Vitæ S. Benedicti.
Solidi Aurei pretium apud Gallos et Francos diversum fuit, pro temporum ratione. In Lege Salica, passim, Solidus constitisse dicitur 40. denariis argenteis. Hincmarus in Vita S. Remigii :
In testamento, a B. Remigio condito, lector attendat, quia Solidorum quantitas numero 40. denariorum computatur, sicut tunc solidi habebantur, (al. agebantur,) et in Francorum Lege Salica continetur : et generaliter in solutione usque ad tempora Karoli perduravit, velut in ejus capitulis continetur,
(al. invenitur.) Ita in Capitulo Ludovici Pii ann. 819. de interpretat. [] Legis Salicæ cap. 2. et 4. solidus etiam accipitur. Pretium igitur solidi immutatum, a Pipino Rege scilicet. Synodus Remensis cap. 41 :
Ut domnus Imperator secundum statutum bonæ memoriæ Pipini misericordiam faciat, ne Solidi, qui in Lege habentur, per 40. denarios discurrant, quoniam propter eos multa perjuria multaque falsa testimonia reperiuntur.
Taxata enim fuit tunc temporis solidi quantitas 12. denariis, idque firmatum a Carolo M. lib. 4. Capit. cap. 75. Capit. Ticin. ann. 801. cap. 11. Capit. Ludov. P. ann. 816. cap. 2. Pertzio Leg. tom. 1. pag. 85. et 196. :
Ut omnis solutio atque compositio, quæ in Lege Salica continetur, inter Francos per 12. denariorum Solidum componatur : excepto, ubi contentio inter Saxones et Frisiones exorta fuerit. Ibi volumus, ut 40. denariorum quantitatem Solidus habeat ; quem vel Saxo, vel Frisio, ad partem Salici Franci cum eo litigantis solvere debet.
Ita fere in Lege Longob. lib. 2. tit. 22. § 1. 2. et 3. Carol. M. 76. 91. Ludov. P. 2. nisi quod pro 40. den. 60. præferunt editiones Boërii et Lindenbrogii ; sed perperam, ut opinor. Capitula ejusdem Caroli ann. 797. edita ab Holstenio § 11 :
In argento 12. denarios Solidum faciant : et in aliis speciebus ad istud pretium omnes æstimationes compositionis sunt.
Id etiam firmatum deinceps a Ludovico Pio cap. 3. tit. 75. Hinc solidus 12. denariorum fuisse dicitur, in Capitul. 2. Karlomanni cap. 2. in iisdem Capitul. Caroli M. lib. 3. cap. 30. lib. 5. cap. 3. in Addit. 1. Ludov. Pii cap. 57. et in Synodo Liptinensi cap. 2. Sed et apud Hungaros, aureus, qui idem cum solido, 40. denariis argenteis valuit sub Bela I. Rege, ut auctor est Thwroczius cap. 45.
les Bénédictins de St. Maur, 1733–1736.
◊ Errantem Lindenbrogium, cui non pauci accesserunt, minus caute secutus est Vir doctissimus. Existimat ille unum eumdemque esse solidum, qui a 40. denariis, quibus primum constabat, ad 12. denarios a Pipino est adductus : quod falsum omnino est ; primus aureus erat, alter argenteus. Et quidem absurda et hactenus inaudita ejusmodi imminutio. Errandi occasionem præbuit laudata Synodus Remensis, cujus mentem minime assecutus est Lindenbrogius. Id quippe unum docet mulctas quæ prius 40. denariorum fuerant, a Pipino Rege sagacissimo ad 12. denarios reductas fuisse, ut sibi populos arctius devinciret. In usu publico erant solidi aurei etiam sub Philippo I. Rege Franc. ut ex Litteris ann. 1077. constat :
Cui litem intulerit mille Solidos auri componat.
Iis successere floreni. Vide le Blanc Tract. de Monetis pag. 39. et seqq.
Solidi Aurei divisio alia fuit apud Romanos, nempe, in 6000. denarios æreos, quos λεπτὰ Græci vocant, in quot τάλαντον, sive solidum dividi scribit Suidas. Senator lib. 1. Epist. 10 :
Sex millia denariorum Solidum esse voluerunt.
Solidi Argentei, in Bulla Benedicti VII. PP. in Bullario Cluniacensi pag. 6. Ævo sequiori, solidi ex argento, et quidem subærato cudi cœpere : quibus assignati denarii perinde 12. ac aureo ; sed ii ærei minutuli. Atque ita solidum usurpatum docet Covarruvias libr. de Collat. veterum numismat. cap. 3. § 2. n. 7. et seqq. Charta fundationis Monasterii S. Severi in Vasconia apud Marcam lib. 3. Hist. Beneharn. cap. 8 :
Dando illis trecentos Solidos duos denarios[] argenti, quadraginta quinque vaccas cum multis aliis rebus.
Tabularium ejusdem Monasterii apud eumdem Marcam lib. 3. cap. 11 :
Trecentos Solidos argenti duodenorum denariorum.
Charta Joannis Regis Angliæ tom. 1. Monastici Anglic. pag. 352 :
Terram de Bradeham, de qua nobis reddi solebant per annum 50. Solidi blanci.
Solidus, apud Saxones, duplex fuit : unus enim habuit 2. tremisses, alter tres tremisses. Majori solido aliæ compositiones, minori homicidia componebantur. Ita Lex Saxonum tit. 18. Adde Capitulare Saxonum Caroli M. ann. 797. cap. 11.
Solidi Anglicani, Sols Engleis, in Legibus vernaculis Willelmi Nothi cap. 13. ubi 40. denariis constitisse innuitur :
Del Dei après le polcier 15. Sola de solt Engleis, ço est quers deniers.
Thorp. cap. 11. que est apele quaer denier. Quæ quidem verba ultima de 40. denariis capienda existimo, ut quer, sit pro querante, ut tunc efferebant. Mentio est præterea solidorum Anglicanorum cap. 19. 21. 41. Ut tamen non temere affirmem, facit Caius de Antiq. Cantabrig. Academiæ pag. 209 :
Illud interim scire licet, aliam fuisse rationem solidorum ætate Ælfrici, quam nostra : nam per ea tempora 30. denarii faciebant sex Solidos, nostra vero duos tantum et semissem.
Vide Phillips. de Jure Anglos. not. 286. Lapp. Histor. Angl. tom. 1. pag. 627.
L. Henschel, 1840–1850.
Solidi Bortrenses. Vide Bortren.
P. Carpentier, 1766.
Solidi Carolici, valoris scilicet a Carolo M. assignati, in Charta inter Probat. Hist. Brit. tom. 1. col. 298 :
Pignoravit....... salinam, quæ vocatur Permet,... pro 20. Carolicis Solidis, usque ad caput 7. annorum.
P. Carpentier, 1766.
Solidi Constantinati, f. pro Constantiniani, ut in Charta ann. 882. cujus meminit Muratorius tom. 2. Antiq. Ital. med. ævi col. 789. quos non alios a Byzantiis fuisse putat vir eruditus. Alia ann. 1051. ibid. col. 790 :
Obligavit se et suos hæredes componere custodibus ipsius ecclesiæ ducentos auri Solidos Constantinatos. Solidi Constantini
non semel occurrunt in Episc. Salernitan. apud Ughellum, ubi scribendum Constantiniani aut Constantinopolitani suspicatur idem Muratorius.
P. Carpentier, 1766.
Solidi Denariorum, in Charta ann. 1329. tom. 2. Hist. Trevir. Joan. Nic. ab Hontheim pag. 113. col. 1 :
Ad quod (officium) pertinet decima in Morscheit, cum jure patronatus ecclesiæ et censibus annuis xxxix. Solidorum denariorum Trevirensium.
Solidi Franci, in Formula 82. apud Lindenbrogium. Francisci seu Francici, in Tabulario Casauriensi, in Charta exarata sub Carolo et Pipino Regibus, et Ildebrando Duce Spoletano :
Idcirco constat, me Pessido vendidisse tibi Aderisi Sculdasio cartularios, et vinearios in loco, qui dicitur in Vico, hoc est, pro Solidis 7. Franciscis et bove uno, et grano modiorum 12.
Alibi :
Et pretium recepi a te, valente Solidos 20. Franciscos.
Occurrit ibi pluries. Iidem videntur, qui solidi Galliarum appellantur apud Gregorium M. lib. 5. Epist. 10. quos in Italia expendi non potuisse scribit : quia
minore æstimatione taxabatur aurum Gallicum
, ut est in Novella Majoriani, ut pote longe Romano deterius :
Nullus Solidum integri ponderis calumniosæ adprobationis obtentu recuset exactor, excepto eo Gallico, cujus aurum minore æstimatione taxatur.
[]
Solidi Genauenses, Gothici, Ardaricani. Vide Dissertationem nostram de Imperatorum Constantinopolitanorum Monetis.
les Bénédictins de St. Maur, 1733–1736.
Solidi Inferendales. Vide Inferenda.
P. Carpentier, 1766.
Solidi Longi, An quia in perpetuum solvendi ? Charta ann. 1216. apud Pez. tom. 6. Anecd. part. 2. pag. 70. col. 1 :
Præfatus V. miles et S. mater ejus quondam susceperunt ab ecclesia aream illam, sub censu sex Solidorum longorum, annuatim in nativitate S. Mariæ persolvendorum... Sæpe dicti V. et S. contulerunt ecclesiæ duas areas,....... quæ sex Solidos longos annuatim in perpetuum ecclesiæ persolvent.
les Bénédictins de St. Maur, 1733–1736.
Solidi Lovanienses. Charta ann. 1253. apud Miræum tom. 1. pag. 424. col. 2 :
Tenemur annuatim solvere in Trajecto duas marcas Colonienses, triginta Solidos Lovanienses pro marca.
les Bénédictins de St. Maur, 1733–1736.
Solidi Obolorum, in Charta Balduini Episc. Noviom. ann. 1154. ex Tabul. Corbeiensi :
Quinquaginta Solidos obolorum quos pro terra, pratis et nemore de Albincort....... pro quinquaginta libris obolorum vobis in perpetuum indulsit.
Charta apud Stephanot. tom. 3. Antiquit. Bened. Pictav. MSS. pag. 129 :
Dom. Rodulphus de Tilia Miles habet ad mutationem Abbatum 30. Solidos veterum pro quibus habuit 15. solidos Marchenses.
Ita etiam leg. videtur in Charta Edwardi I. Reg. Angl. ann. 1283. apud Rymer. tom. 2. pag. 263 :
Quicumque voluerit, poterit facere furnum in dicta villa et in barris dictæ villæ....... Dabit, cujus erit, nobis quolibet anno semel 10. Solidos oliberum.
P. Carpentier, 1766.
Solidi Marcosi, Veneti, ut opinor ; quia nomine seu effigie S. Marci insigniti erant ; de moneta enim aurea Francica intelligi nullatenus posse mihi videtur. Pactum inter Lothar. imper. et Venetos ann. 848. in Dissert. D. Zanetti de Orig. et antiq. monetæ Venet. laudata in Diar. exot. mens. Jun. ann. 1754. pag. 6 :
Volumus ut pro sex Marcosis Solidis ab uno homine sacramentum recipiatur, et ita usque ad duodecim libras Veneticorum semper addendo per duodecim juratores electos perveniat, ut quantæ sint libræ, tanti sint etiam juratores.
L. Henschel, 1840–1850.
Solidi Obriziaci. Vide Obriziacus.
P. Carpentier, 1766.
Solidi Protestati, f. Usuales, vel testa seu effigie insigniti. Charta ann. 759. apud Murator. tom. 3. Antiq. Ital. med. ævi col. 555 :
Accepi a te Ganderis rectore monasterii sanctæ Dei Genitricis Mariæ, sito intra civitate Brixia, ex sacolo prædicti monasterii auri Solidos novos protestatos ac coloratos, pensantes numero tria millia octingentos quinquaginta, etc.
P. Carpentier, 1766.
Solidi Regales, Nummi aurei Francici. Stat. Massil. lib. 1. cap. 35 :
Qui summam seu valorem trium Solidorum regalium non excedant.
Vide Regales 2.
les Bénédictins de St. Maur, 1733–1736.
Solidi Regis, dicitur quædam tributi et vectigalis species, quæ Regi, pro ingruente aliqua necessitate, præstatur : qua notione dicimus Deniers royaux. Chartul. AB. Sangerman. fol. 5. v° :
Debemus nobis cavere quando assidemus Solidos domini Regis supra terram nostram, quod non cogamus homines de Anthoigniaco solvere aliquid de prædictis solidis, nisi rata contingens eos excedat summam c. librar. Paris. cum ipsi habeant kartam a nobis quod illæ c. libræ in quibus nobis tenentur annuatim pro manumissione sua, tenent eisdem locum, [] et primo debent computari in illis solidis eo anno quo dom. Rex levat prædictos solidos a nobis.
Charta ann. 1249. ex lib. Anniversar. ejusd. Monast. fol. 217 :
Erunt immunes et liberi a prædictis manumortua, forismaritagio, et tallia annua ad placitum,... hoc salvo nobis et ecclesiæ nostræ quod eo anno quo dom. Rex a nobis Solidos suos levabit, a dictis hominibus solidos levare poterimus, quos habito respectu ad solidos nobis impositos et terram nostram talliabilem levandos viderimus bona fide.
Huc spectat Charta Philippi Aug. ann. 1181. ex Tabul. ejusdem Monast. :
Philippus Dei gratia Francorum Rex. Noverint universi... quia nos dilectum Hugonem Abbatem S. Germani de Pratis requisivimus ut in negotiorum nostrorum necessitate subveniret nobis de suo largiendo, quod et bono animo fecit : inde est quod volumus et præcipimus ut omnes tam hospites quam homines ejus ecclesiæ ipsi ad summam pecuniæ solvendam, quam nobis promisit, auxilium faciant.
Solidi Romani, Imperatorum Romanorum. Præfatio ad Legem Burgundionum :
Si quis sane judicum, tam Barbarus quam Romanus..... forsitan non ea, quæ Leges continent, judicaverit, 30. Solidos Romanos se noverit inlaturum.
P. Carpentier, 1766.
Solidi Sterlingorum, ibidem. Vide Esterlingus.
De Solido, et denario sponsare. Lex Salica tit. 4. § 1 :
Qui viduam accipere vult, cum tribus testibus, qui adprobare debent, tres Solidos æque pensantes et denarium habere debet, et hoc facto, si eis convenit, viduam accipiat.
Formulæ vet. Pithœi cap. 55. in MS. :
Placuit atque convenit, ut ego tibi de Solido et denario secundum Legem Salicam sponsare deberem, quod ita....... feci. Ego ille sponsus tuus, dum taliter placuit atque convenit apud parentes nostros, communes ab utrasque partes aptisantes, ut tibi de Solido et denario secundum Legem Salicam sponsare deberem, etc.
Cap. 60 :
Eo quod ante hos dies filiolam nomine illa per Solido et denario et enarras habui desponsata.
Infra :
Convenit, ut ipse ille ipso Solido et denario de ipsas arras ante plures bonis hominibus, et pro ipso exenio scilicet tant. etc.
Vide Form. Lindenbrogii 75. Fredegarius in Epit. cap. 18 :
Legatos ad Gundebaldum dirigit, petens, ut Chrotechildem neptem suam ei in conjugium sociandam traderet. Quod ille denegare metuens, et sperans amicitiam cum Chlodoveo inire, eam daturum spopondit. Legati offerentes Solidum et denarium, ut mos erat Francorum, eam partibus Chlodovei sponsam, placitum ad præsens petentes, ut ipsam ad conjugium traderet Chlodoveo.
In Lege Saxonum tit. 6. tit. 7. § 3 :
Uxorem ducturus parentibus ejus vel tutori 300. solidos dare
jubetur. Emtionem imaginariam in Romanorum nuptiis intervenisse, pueris etiam notum est. Rem præ cæteris perstrinxit Brissonius de Ritu nuptiarum pag. 480.
les Bénédictins de St. Maur, 1733–1736.
In Solido et Libra contribuere, Gall. Au sol la livre, in Charta ann. 1405. ex Tabul. S. Victoris Massiliensis.
P. Carpentier, 1766.
Solidus, Pondus, libra, cujus valor æstimatur uno solido. Arest. parlam. Paris. ann. 1379. tom. 6. Ordinat. reg. Franc. pag. 411 :
Pro viginti Solidis piscium salsatorum, missorum et apportatorum ad villam nostram Parisiensem, unus alius denarius, etc.
Vide supra in Solidata.
© École des chartes.
[]« 3 solidus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 520a. http://ducange.enc.sorbonne.fr/SOLIDUS3
3. SOLIDUS, prudens, sapiens. Chron. Johan. Whetamstedii pag. 429 :
Gaudens congaudeo... quia... jam meis in temporibus[] per fratrem Solidum, sobrium et modestum, etc.
Occurrit rursum pag. 434.
P. Carpentier, 1766.
◊ Solitablement, Prudenter, sapienter, in Lit. remiss. ann. 1409. ex Reg. 164. Chartoph. reg. ch. 192 :
Le mire rapporta que icellui Colin avoit maladie curable, et que il se gouvernast Solitablement et soubrement.
© École des chartes.