2. CAUTUM, Cotum, ex Hispanico Coto, Locus defensus, immunitas, Salvitas, Cautare, Incautare, Defendere, protegere, munire, securum facere, Cavere rei alicui, unde vox videtur deducta. Charta Sancii Regis Portugalliæ æræ 1238 :

Promisi me erecturum munitionis lapides, quos Cautum vocant, in circuitu loci sanctissimæ Virginis.

Charta Ordonii Regis æræ 950. apud Anton. de Yepez tom. 4. Chron. Ord. S. Benedicti pag. 436 :

Et cum sua concurrentia et cum suo Cauto in circuitu ipsius concurrentiæ, etc.

Infra :

Et sunt ipsæ Ecclesiæ Incautatæ in toto gyro per petras erectas et scriptas, etc.

Ibidem :

Similiter damus vobis ipsam cortem de villa Patrono Cautatam, cum suis domibus et ædificiis, sum sua cortina quomodo concludit per ipsum flumen, etc.

Charta Bermundi II. Regis æræ 1070. apud eumdem tom. 6 :

Sit vobis Piniolo et Ildonciæ attributa licentia facere quod volueritis de Cautis et hæreditatibus, quas a me accepistis.

Alia æræ 1153. ibidem pag. 473 :

Cum suis testationibus omnibus, et rebus et familia libera ab omni censu et debito nostræ Ecclesiæ, et cum duabus partibus de illo voto, et clamoribus, et cum suo Cauto in gyro, etc.

Vide eumdem tom. 5. pag. 438. Vetus Lapis in Monasterio de Husillos, in Hispania, apud Ambros. Moralem lib. 16. cap. 44 :

Æra 1195. Rex Sanctius Domini Aldefonsi Hispaniarum Imperatoris filius, dedit Cautum Ecclesiæ sanctæ Mariæ de Fustellis, Raimundo Gileberto existente Abbate ejusdem Ecclesiæ.

Charta Alfonsi VII. Imp. æræ. 1182. apud eumdem Yepez tom. 7 :

Cauto etiam prænominatos terminos et loca prænominata jam dictam Ecclesiam S. Joannis, et omnem ejus ubicunque sit hæreditatem, quod nulla potestas, nullusque alius homo, causa malefaciendi vel pignorandi intrare præsumat, etc.

Quæ formula in aliis Chartis ejusdem Regis occurrit non semel. Charta Alfonsi VIII. Regis Castellæ æræ 1213. apud eumdem Yepez tom. 7 :

Et omnia pecora vestra per omne regnum meum sint secura et Cauta, tanquam mea propria, et libera, et ubique habeant pascua.

Ibid. :

Mando etiam et firmiter statuo, quod omnes hæreditates vestræ, tendæ, et canales, furna, et omnia vestra tanquam mea propria sint, ut dictum est, Cautata, et ab omni gravamine et inquietatione tam regali quam alia semper libera et absoluta.

Charta Ferrandi Regis Castellæ æræ 1224 :

Cauto vero supradictos homines et omnia quæ habent vel habebunt, quod nullus de cætero pro aliqua voce, vel calumniis, excepto pro pretio debito, audeat pignorare, vel de suo aliquid prendere, molestare, vel calumniare. Hujus autem liberationis et Incautationis inchartationem facio Deo et sanctæ Agathæ, etc.

Vide Brandaon. in Monarch. Lusitan. tom. 3. pag. 71. 195. 212. tom. 4. pag. 50. 101. 187. v. tom. 5. pag. 308. Colvanerez in Segovia cap. 18. pag. 5. etc.

CAUTUS, Navis species. Vide Gatus.

CHOTUS, ab Hispan. ni fallor, Coto, Taxatio, pretii constitutio. Charta Alphonsi reg. Castel. inter Acta SS. tom. 6. Jul. pag. 56. col. 1. ubi de Liturg. ant. Hisp. :

Si quis vero hanc meæ concessionis paginam infringere, seu in aliquo diminuere præsumpserit,... regi parti mille auros in Choto persolvat.

Vide Cotus 2. An Cocto ?

1. COTUS, Custos hortorum, agrorum et vinearum. Charta Philippi Franc. Regis ann. 1287 :

Voluit etiam dictus Bertrandus, quod Cotus et garda dicti castri et ejus honores... nobis et sibi sint communes.

Pactum inter Dom. et Consules Brageraci ann. 1372. MS. in Consuetudinibus editis art. 13. :

Item quod in Castro et Castellania Brageracensi sit Cotus sive gardiagium : videlicet in terra dicti Domini et districtu qui nunc est vel erit in futurum, inter flumen vocatum La Yla, etc. cujus quidem Coti seu gardiagii erit guagium 4. solidorum, et infra secundum consuetudinem villæ prædictæ, in quibus damnum dare Edit. dans melius. tenebitur ratione guatgii, et ultra hoc emendare damnum passo. Itaque vel potius ita quod, ut in Edito. pro dicto Coto de cætero infra dictos terminos gagium novem, nec sex solidorum, quod consuevit exigi seu levari, de cætero non levetur.

Ad marginem scriptum Droit de Quot. Eædem Consuetud. editæ art. 97 :

Item si quis intraverit hortos clausos vel non clausos de nocte, et cœperit inde furtive de fructibus excrescentibus inde ad valorem duodecim denariorum, curret villam, et ponetur in ispillorio, vel solvet sexaginta solidos Domino, necnon et solvet duplex gatgium Coti, et ultra hoc damnum passo emendabit.

Art. 98. de eo qui furatus fuerit de fructibus vinearum dicitur :

Solvet, si sit de nocte, duplex gatgium Coti ; si vero de die, gatgium simplex.

Et art. 101. de animalibus terras, hortos, etc. vastantibus :

Dominus animalis tenebitur de damno dato, et solvet pro dicto damno pro quolibet bove et vaca decem et octo denarios pro gatgio Coti, et ultra hoc emendabit damnum passo ; pro quolibet roncino... solvet pro gatgio Coti duodecim denarios.

Eadem notione sumitur vox Cotarius in iisdem Consuetud. Brager. art. 99. cujus locus exstat in hac voce post Cota 2. Vide Quota.

2. COTUS, pro Quota, seu quantitas pecuniæ. Fori Cæsar-augustæ ann. 1301. sub Jacobo II. Rege Aragon. :

Cum per cartam seu statutum usurarum... sit statutum quod omnes Christiani teneantur jurare in contractibus usurariis, quod in illo contractu non erat usura, nec machinatio ultra Cotum in dicta carta usuraria contentum, etc.

Edictum Jacobi I. Regis Aragon. ann. 1242. in Appendice Marcæ Hisp. col. 1437 :

Christiani qui pignera tenent vel tenebunt in posterum, saltem postquam eis secundum formam Coti Judæorum fuerit satisfactum, pignora et instrumenta debiti libere, simpliciter et absolute restituere compellantur.

Vide Observantias Regni Aragon. lib. 6. tit. Interpretat. § 7. et infra in Quota. Vide etiam Cautus.

3. COTUS, Locus defensus. Vide in Cautum.

4. COTUS, Equus bimus. Magnum Chartularium S. Victoris Massil. fol. 13 :

Comparaverunt unam semodiatam terræ et dederunt pro ea unum optimum Cotum et viii. alnas de cannabas.

Ibidem fol. 91 :

Pro ipsa quarteirada dedi unum Cotum.

5. COTUS, Culcitra. Vide Cottum.

7. COTUS. Alex. Iatrosoph. MS. lib. 2. Passion. cap. 67 :

Nos autem rorem, quo Coti utuntur, i. marinum, admiscemus coctioni.

Leg. videtur Coci.