« »
 
MOTA 1, MOTA 2, MOTA 3, MOTA 4, MOTA 5, MOTA 7, MOTHA, MOVERE 1.
[]« 1 mota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 531a. http://ducange.enc.sorbonne.fr/MOTA1
1. MOTA, Collis, seu tumulus, cui inædificatum castellum, idem quod in Delphinatu aliisque provinciis Poypia nuncupatur. Vide in hac voce. Mote, in Consuetud. Arvernensi cap. 12. art. 51. Mote Seigneuriale, in Consuetudine Trecensi art. 14. et Calvimontensi artic. 8. Lambertus Ardensis pag. 147 :
Motam altissimam, sive dunjonem eminentem in munitionis signum firmavit, et in aggerem coacervavit.
Orderic. Vitalis lib. 10. pag. 772 :
Et fortissimam, quam apud Balaonem possidebat, Motam Regi tradidit, per quam totum oppidum adversariis subactum paruit.
Charta ann. 1272. apud Guichenon. pag. 21 :
Perretus de Salmoya.... recognovit se tenere a Domino Baugiæi Motam seu poypiam, quam habet apud Salmoya cum proprisia et fossatis.
Regimina Paduæ ad ann. 1320. apud Murator. tom. 8. col. 433 :
Iverunt die prædicta summo mane per viam Pontis-corvi versus quamdam Motam magnam, quam faciebat facere dominus Canis cum mulfossis et tajatis ad claudendum Paduanos.
Tabular. Veteris-villæ :
Filii Gualterii Trusses dederunt abbatiæ Veteris-villæ totum pleissicium suum et Motam et sedem molendini.
Occurrit apud Sugerium in Lud. VI. cap. 20. Bromptonum in Stephano Rege, in Chronico Andrensi pag. 396. in Gestis Dominor. Ambasiensium cap. 6. n. 9. apud Albertinum Mussatum lib. 6. de Gest. Henrici VII. rubr. 3. Hist. Dalphin. tom. 1. pag. 66. etc. Le Roman de Vacce MS. :
Hubert de Rie est à sa porte
Entre le mostier et sa Mote....
Encore est Hubert sor son pont
Gardoit à val, gardoit à mont.
La Bataille des sept Arts MS. :
Tuit chapelerent sus Aristote
Qui fu fier com chastel sur Mote.
◊ Ejusmodi porro Motas præclare describit Joannes de Collemedio in Vita B. Joannis Episc. Morinorum cap. 6. n. 25 :
Mos namque est ditioribus quibusque regionis[] hujus hominibus et nobilioribus, eo quod maxime inimicitiis vacare soleant exercendis, et cædibus, ut eo modo ab hostibus maneant tutiores, et potentia majore, vel vincant pares, vel premant inferiores, terræ aggerem quantæ prævalent celsitudinis congerere, eique fossam quam late patentem, multamque profunditatis altitudinem habentem circumfodere, et supremam ejusdem aggeris crepidinem, vallo ex lignis tabulatis firmissime compacto, undique vice muri circummunire, turribusque secundum quod possibile fuerit per gyrum dispositis, intra vallum, domum, vel quæ omnia despiciat, arcem in medio ædificare, ita videlicet ut porta introitus ipsius villæ non nisi per pontem valeat adiri, etc. Motas
vero quasi metas, seu acervos, dictas vult Octav. Ferrarius in Orig. linguæ Ital. Vide Meta 1. et Murator. Antiq. Ital. tom. 2. col. 504.
P. Carpentier, 1766.
◊ Ipsum castrum, præcipua feudi domus. Charta ann. 1329. ex Chartul. 21. Corb. fol. 195 :
Premierement le Motte et les fossez d'entour le Motte de Maieux. Le Motte de men manoir de Caieux et les fossez entour,
in alia ann. 1331. ibid. fol. v°. Sans raparelier Motte ne fossez, in Ch. dom. Musiaci ann. 1292. ex Tabul. S. Petri Carnot. Moteau etiam nostris, pro Gleba. Lit. remiss. ann. 1358. in Reg. 86. Chartoph. reg. ch. 114. bis.
Perrin de S. Denis prist un Moteau de terre de forge et le jeta par jeu à Guillot
. Pro cujusvis rei collectione legitur in aliis Lit. ann. 1388. ex Reg. 135. ch. 26 :
Lesquelx venoient recevoir les guedes, que leur pere avoit acheté dudit debteur, chacun cent de Motiaux, le pris de trois solz Parisis.
les Bénédictins de St. Maur, 1733–1736.
◊ Mota vero ea notione duplicis est generis : una quæ præcipuum est feudi manerium, de qua Consuet. Trecensis tit. 2. art. 14 :
Le principal chastel ou maison, fort, Mote, ou place de maison seigneuriale.
Altera quæ in villenagio possidetur, cujus tenentes in Annal. Fuldensibus dicuntur homines Motales et Motales servi, quorum conditio eadem perinde est ac eorum qui servi glebæ, Gall. Mortaillables nuncupantur. Vide Custumar. gener. tom. 4. part. 1. pag. 411. et seq.
les Bénédictins de St. Maur, 1733–1736.
Motta, Eodem significatu. Charta ann. 1112. apud Musnier in Augustodun. part. 3. pag. 44 :
Confiteor tenere in feudum.... domum et Mottam meam de Cluniaco, etc.
Chron. Parmense ad ann. 1297. apud Murator. tom. 9. col. 837 :
Et multi homines capti et ducti in carceribus Communis Parmæ ; inter quos fuit captus D. Simon de Manfredis, qui aufugerat in quadam sua Motta, et ductus Parmam in carceribus ; quæ Motta capta et combusta fuit, et erat in terra Scazani.
les Bénédictins de St. Maur, 1733–1736.
Mota, Quævis eminentia. Charta ann. 1319. in Tabular. Montis S. Michaelis :
Cum contentio moveretur inter Priorem de Monte Doli et Robinum Paicnel clericum super quadam Mota seu platea in qua nos solebamus habere molendinum ad ventum, quæ platea nominatur magna Mota.
© École des chartes.
[]« 2 mota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 531b. http://ducange.enc.sorbonne.fr/MOTA2
2. MOTA, Curia, placitum, conventus, ex Saxonico gemote, conventus. Vide in Gemotum. Chartularium 2. Campaniæ ex Bibl. Colbert. fol. 166. apud D. Brussel tom. 2. de Usu feud. pag. 776 :
Comes habet census suos apud Chableias, in quibus habet vendas, et homines suos, et Motam, et plateas circa Motam, et domos in castro et in burgo. Credentiæ et Mottæ fuerunt similiter xxxii.
in Annal. Mediolan. ad ann. 1258. apud Murat. [] tom. 16. col. 659. Charta Mathildis Imperatricis filiæ Henrici I. Reg. Angl. :
Sciatis me fecisse Milonem de Glocestre Comitem de Hereforde, et dedisse ei Motam Herefordiæ cum toto castello in feudo et hæreditate sibi et hæredibus suis, ad tenendum de me et hæredibus meis.
Hinc forensibus Anglis to mote, est placitare ; Scotis, to mute, unde illis the mute hill, i. mons placiti, de quo in Malbergium. Sed in hac Charta videtur Mota usurpari pro colle seu tumulo cui inædificatum castellum, non vero pro curia, aut placito, tametsi motas ejusmodi seu colliculos, ita dictas censuerim, quod in iis placita dominorum tenerentur, indeque montes placiti, appellatas. Vide Muta 6.
© École des chartes.
[]« 3 mota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 531c. http://ducange.enc.sorbonne.fr/MOTA3
3. MOTA, Expeditio bellica. Vide Movere 1.
© École des chartes.
[]« 4 mota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 531c. http://ducange.enc.sorbonne.fr/MOTA4
4. MOTA, Motarium. Charta Philippi Regis Franc. ann. 1200. in Magno Pastorali Eccles. Parisiens. lib. 21. Ch. 21. et 26 :
Motas quoque et piscationes, sive in Motariis, sive in aqua mortua, sive in magno fossato, etc.
Idem forte quod montatio. Vide in Montagium.
les Bénédictins de St. Maur, 1733–1736.
◊ Rem non attigit Cangius ; Mota quippe hic nihil videtur nisi igniaria illa et palustris gleba, quæ Gall. Tourbe, Parisiis Mote dicitur. Motarium vero palustris est locus, unde ejusmodi Motæ eruuntur. Charta ann. 1210. in Tabular. Calensi pag. 226 :
Nos vero Ansello et hospitibus qui in prædicta possessione continentur ad usus suos marescum concessimus, ut Motas accipiant, et brueriam in scopulo.
Charta ann. 1472. apud Th. Blount in Nomolex. Anglic. :
Rogerus tradidit præfato Thomæ tria stagna et unam Motam piscariam existentem infra manerium D. de Yeffyn, habenda et tenenda prædicta tria stagna et prædictam Motam cum tota piscatione in eisdem.
Vide Motaticum.
P. Carpentier, 1766.
◊ Non melius de igniaria et palustri gleba exponitur : aggerem enim sonat, quo continentur aquæ, cui construendo et reparando facultas conceditur cespites eruendi, ut ex sequentibus mihi manifestum est. Charta Awalonis de Sollegniaco ann. 1188. ex Tabul. S. Mariani Autiss. :
Quia vero molendinarii et homines nostri ad continendam aquam Motas de eisdem pratis auferre consueverant, hæc omnino deinceps fieri prohibui.
Alia Alani de Montetenero in Reg. 56. Chartoph. reg. ch. 543 :
Cum omnibus et singulis dictorum molendinorum pertinentiis, scilicet chauceis, exasiis, exclusis, Motis, motagiis, piscaturis, rivagiis, etc.
Lit. ann. 1371. tom. 5. Ordinat. reg. Franc. pag. 439 :
Et quædam Mota sive platea, sita super duo stangna dictæ villæ.
Quæ sic Gallice redduntur in aliis eadem de re Lit. ejusd. ann. ibid. pag. 444 :
Et la Mote qui est sur les deux estangs du chastel de Limoges.
Charta Rob. de Veteriponte ann. 1330. ex Chartul. S. Joan. in valle :
Le prieur (de S. Nicolas de Courbeville) ou prieurs de leur droit peuet et pourront prendre Mote et motage en touz noz frouz, pour la réparation de touz leurs molins, lices et chauciés, sanz contredit de nous, ne de nos gens.
Quibus haud invite applicari possunt, quæ allegantur supra : appellationis vero rationem nemo non videt. Vide Motaticum.
P. Carpentier, 1766.
Mota Papelardorum, Terreus agger, qui hodie Le terrein Notre-Dame appellatur. Sent. ann. 1282. ad calcem Necrol. eccl. Paris. Ms. :
Item de septimo articulo, videlicet de Mota Papelardorum ; ordinamus quod nichil projiciatur in aquam, per quod cursus aquæ [] valeat impediri, Mota permanente ut prius.
© École des chartes.
[]« 5 mota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 532a. http://ducange.enc.sorbonne.fr/MOTA5
5. MOTA, Campanula. Vide Muta 4.
© École des chartes.
[]« 7 mota » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 532a. http://ducange.enc.sorbonne.fr/MOTA7
7. MOTA, Obitus de Mota sæpius occurrit in Obituario, celebrandus pro Cardinali de Mota.
© École des chartes.
[]« Motha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 532c. http://ducange.enc.sorbonne.fr/MOTHA
MOTHA, Idem quod Mota 1. Charta Henrici VII. Reg. Angl. ann. 1509. apud Rymer. tom. 13. pag. 243 :
Pro ripariis, gurgitibus,..... weris aut Mothis actis, ædificatis, exaltatis, elargatis vel extensis, etc.
© École des chartes.
[]« 1 movere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 533b. http://ducange.enc.sorbonne.fr/MOVERE1
1. MOVERE, Expeditionem suscipere. Annales Francorum Bertiniani ann. 867 :
Reliquum populum regni sui paratum esse præcipit, quatenus mox ut ipse jusserit, præparati Movere hostiliter possint.
Anastasius in Hist. Eccl. :
Exercitum Movit Gamer cum Arabum multitudine contra Romaniam.
Ubi Theophanes habet ἐπεστράτευσεν. Litteræ Ludovici Hutini ann. 1315. tom. 1. Ordinat. Reg. Franc. pag. 603 :
Et se il avient que l'en Meuve à aler oudit ost, les dites gens de Paris payeront pour tous retours de chevaux, cinq cens livres tournois tant seulement, mais se l'on n'y Mouvoit à aler, ils n'en paieroient riens.
P. Carpentier, 1766.
◊ Movoir, eodem sensu, in Charta ann. 1278. ex Chartul. Fossat. fol. 51 :
Il fu esgardé et jugié.... qu'il ira outre mer et Movra dedans les octieves de la S. Remi.
Mota, Expeditio bellica, Gallis, Meute, ex Latino Movere, quod est expeditionem militarem aggredi, suscipere. Stabilimentum pro Crucesignatis ann. 1214. tom. 6. Spicilegii Acher. pag. 407 : []
De debito vero contracto a communia post Crucis assumptionem, immunis erit Crucesignatus usque ad præsentem Motam, et quandiu erit in peregrinatione.
Philippus Mouskes MS. in Philippo Augusto :
Et dans Roumains ki li plus haus
Estoit de tous les Cardenaus,
Et fait le Pape confermer,
Par son saijel, et affermer
La Meute pour les Albigeois.
Alibi :
Par tout fu la Meute annoncié.
MS. :
En icel temps, j'os bien monstrer,
Fu la grant Meute d'outre mer,
Quant Antioche fu conquise,
Et la cité de Meques prise,
Et que Jerusalem fut pris.
P. Carpentier, 1766.
◊ Muete, in Guill. Tyrii contin. Hist. apud Marten. tom. 5. Ampl. Collect. col. 592 :
Il (le roi de Hongrie) le garde (Alexis) et norri jusques à un tans, que Muete fu de France et d'autres terres, qui outre mer aloient.
Hinc Muete de guerre, pro ea præstatione, quam tenentes ac vassalli domino exsolvunt in belli sumtus. Charta ann. 1300. in Lib. rub. Cam. Comput. Paris. fol. 132. r° col. 2 :
Quites et délivrés... de tout don, de toute taillée, de chevauchiée deue à nous ou à autres par nons de nous, par Muete de guerre, par don de nosces, etc.
Sed et Muete nude, pro Discessus, profectio, vulgo Départ. Lit. Alani de Montetenero ann. 1307. inter Probat. Hist. Villehard. pag. 59 :
Desquex flourins il me doit paier... deus mil, avant sa Muete en icelui voiage.
Ita et apud Bellom. Ms. cap. 3. pag. 11. v°. col. 1. quo etiam sensu intelligendus Perceval laudatus in Mueta 1. Vide infra Motio.
Motio, Eadem notione, apud Erkempertum in Hist. Long. :
Sequenti anno generalem Motionem faciens cum suis Neapolitanis de Saracenis super Colossum, etc.
Charta Frider. imper. ann. 1184. ex Tabul. eccl. Camerac. :
Præterea quocumque Motio agatur, firmissimam pacem cunctos in procedendo statuimus habere.
P. Carpentier, 1766.
Motionem Sumere, E loco moveri. Stat. eccl. S. Vulfr. ann. 1233. ex Lib. rub. ejusd. fol. 8. r°. :
Non discurrat per chorum aliquis, nisi de stallo suo sumpserit Motionem.
les Bénédictins de St. Maur, 1733–1736.
Movere, Iter ingredi. Chron. S. Petri Vivi tom. 2. Spicil. Acher. pag. 755 :
Quapropter idem Abbas xii. Kal. Novembris Movit et Cluniacum tetendit, et ibi per tres dies commoratus est.
Movere Cervum, aprum, Gallis,
Faire lever un cerf, ou un sanglier pour la chasse,
in Pacto Legis Salic. tit. 36. § 5. 6.
© École des chartes.