FRANCUS, Glossarium mediae et infimae latinitatis, Du Cange et al.

FRANCUS, RESPECTUS 1, RESPECTUS 2, RESPECTUS 3, RESPECTUS 4, RESPECTUS 7, RESPECTUS 8.

« Francus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 593a. http://ducange.enc.sorbonne.fr/FRANCUS2

FRANCUS-Respectus, Habere tenementum im Franco-respectu, est tenere seu possidere agrum ab omni censu sive præstatione annua liberum et immunem. Chartular. SS. Trinitatis Cadom. fol. 29 :

Eduardus tenet 2. virgas et dat inde 7. sol. per annum, et alias 2. virgas in Franco respectu.

Vide Respectus.

FRANCUS FRANDEGULUM © École des chartes.

« 1 respectus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 147b. http://ducange.enc.sorbonne.fr/RESPECTUS1

1. RESPECTUS, Visitatio, divinæ scilicet gratiæ aut ultionis, benedictionis in vitam æternam, maledictionis in gehennam. Sapientia Salomonis cap. 3. de Sanctis :

Et in tempore erit Respectus illorum,

ubi Græca habent, ϰαὶ ἐν ϰαιρῷ ἐπισϰοπῆς αὐτῶν ἐϰλάμψουσι. Testament. S. Carilefi apud Mabillon. tom. 3. Analect. pag. 80 :

Oportet ut non inveniat unumquemque hominem imparatum, ne sine aliquo boni operis Respectum (sic) migret de sæculo.

Eadem habentur in Traditione Haregarii ibid. pag. 88. In Charta ann. 1090. apud Stephanotium tom. 3. Antiq. Pictav. MSS. pag. 636. legitur, sine aliquo Respectu discedat a sæculo. Fulcuinus de Gestis Abbatum Lobiensium tom. 6. Spicil. Acher. pag. 570 :

Ecce ex Respectu miserantis Dei, ex adytis templi duæ columbæ evolant, quæ terna circuitione acies obsidentium vallant : subsequitur post hæc pluvia prægrandis, etc.

Commodianus :

Præfatio nostra viam erranti demonstrat,
Respectumque bonum, cum venerit sæculi meta.

Respectio, Eadem notione. Sap. 3. 13 :

Quæ nescivit thorum in delicto, habebit fructum in Respectione animarum sanctarum.

Alvarus Cordubensis in Vita S. Eulogii :

Eram namque jam dicti illustrissimi viri auditor : et dum frequentius ejus limina tererem, incultumque ingenium acuerem, tandem Respectione divina (i. inspiratione) hujus tanti viri societate conjungor.

RESPECTUM 2. RESPECTUS © École des chartes.

« 2 respectus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 147b. http://ducange.enc.sorbonne.fr/RESPECTUS2

2. RESPECTUS, Agri vel prædii, de quo litigatur, inspectio, Respectio, Gallis seu Normannis, Monstrée, aliis Veuë. Vetus Notitia Judicati ann. 868. apud Perardum in Burgundicis pag. 148 :

Ipse autem Hildebernus respondit ei, quod non juste, sed injuste eum mallasset : Alcaudus vero contra eum Vuidridum stipulavit, unde ante hos dies per judicium Scabinorum ad Respectum fuerunt.

Alia Notitia ann. 870. apud eumdem :

Interpellavit seu mallavit quendam hominem nomine Hildebernum, et dixit, quod Hildebernus ante hos dies per judicium Scabinorum ad Respectum fuissent super res sancti Benigni, quas idem Hildebernus injuste retinebat, etc.

Chronicon S. Benigni Divionensis pag. 452 :

Ad hoc denique ventum est, ut Respectum caperent utraque pars super ipsam silvam, quibus Comes Richardus cum plurimis civibus Divionensibus.... interfuisse ad justitiam diffiniendam noscitur.

Vide Visio.

1. RESPECTUS 3. RESPECTUS © École des chartes.

« 3 respectus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 147b. http://ducange.enc.sorbonne.fr/RESPECTUS3

3. RESPECTUS, Census annuus, præstatio annua. Charta Angelranni Comitis Pontivi, apud Hariulfum lib. 4. cap. 21 :

Ea scilicet ratione, ut nullus suorum successorum amplius ullos Respectus, vel parvas vel magnas consuetudines ab eo expeteret. Synodalis Respectus,

qui vulgo Synodaticum, in alia Charta, eod. cap. Charta alia Adalberonis Episcopi Virdunensis ex Tabulario S. Vitoni :

Libera fieret deinceps ab omni Respectu et servitio, etc.

Fundatio Canonicorum in Ecclesia de Haeltert ann. 1046. apud Miræum

tom. 2. pag. 811 :

Duodecim denarios solvet pro Respectu singulis annis.

Fundatio alia ann. 1091. ibidem pag. 813 :

Nullique aliquem Respectum solvens, nisi quatuor denarios tantum Episcopo Leodiensi, in cujus parochia sita est.

Charta Lamberti Atrebatens. Episc. ann. 1097. apud eumd. Miræum tom. 1. pag. 167. col. 1 :

Sub Respectu duodecim denariorum in Cœna Domini ad servitium Episcopi.

Charta Stephani Episc. Metensis ann. 1126. apud Meurissium :

Præter hæc concedimus eis terram de ipsa foreste ad arandum centum jornales ad unamquamque sectionem, et ad pratum faciendum libere, et sine Respectu alicujus juris vel reditus.

Tabularium S. Genovefæ Paris. ann. 1183 :

Quitavit consuetudines et obventiones de hominibus suis de Petrafonte, scilicet Respectus, manum mortuam seu caducum, et forismaritagium.

Liber Ramesiensis sect. 38. et 143 :

Sedecim caseos et duas vaccas pingues de terra mea Hichelinge, pro Respectu annuo eidem Ecclesiæ procurari decerno.

Charta Balduini Episcopi Tarvanensis anno 1026. in Tabulario S. Bertini :

Ut sicut Ecclesia sanctæ Dei Genitricis Mariæ, cui auctore Deo deservio, possidet terras superius nominatus sine censu vel quolibet Respectu, ita prædicta Ecclesia S. Bertini libero ac perpetuo jure possideat ipsa altaria sine Respectu, atque circada, atque a personatus omnimoda exactione.

Charta Ratbodi Episcopi Noviomensis ann. 1093. ex Tabulario S. Bertini :

Ecclesiæ S. Bertini ad monachorum usum altare de villa, quæ Calvus mons in Vallibus dicitur,... sub personatu perpetuo tenendum concessi, tali quidem conditione, quod una quaque persona decedente aliam prædicti Sancti Abbates seu Monachi Noviomensi Episcopo præsentent personam, cui ipse Episcopus ejusdem altaris personatum commendet : persona vero restituta quinque tantum solidos Episcopo seu ejus Archidiacono tribuat, et uno quoque anno in festivitate S. Remigii pro Respectu altaris sibi commissi tres eis similiter solidos solvat, et ad eorum Synodum celebrandum veniat, sicque ab omni exactione libera permaneat.

Regestum Philippi Aug. Herouvallianum fol. 74 :

Concedimus 22. lib. reditus et 4. sol. in censibus, et in molendinis 16. libr. et in Respectibus Natalis et Paschæ 17. sol. etc.

Chronicon Valciodorense pag. 560 :

Ipse denique ne omnino apud matrem Ecclesiæ haberetur ingratus, in eadem villa Romereis in Respectu quindecim denariorum Valciodorensi Ecclesiæ partem alodii dedit.

Pag. 561 :

Cumque secundum Regulam S. Benedicti pro puero prædicti parentes suam petitionem facerent, et in Rouz tam pro se, quam pro eodem Respectum duorum solidorum nobis tradiderunt.

Pag. 562 :

Valcidiorensi Ecclesiæ partem alodii tradidit, duosque solidos in Respectu illius fratribus ejusdem Ecclesiæ quotannis solvere constituit.

Denique pag. 565 :

Viginti quatuor solidi Leodiensis monetæ ex Respectu Mansionariorum habebantur.

Adde Barthol. Fizenium in Hist. Leod. pag. 318. 362. Aresta Pentecost. anno 1266. in 1. Regesto Parlamenti fol. 151 :

Concessit D. Rex Majori et Juratis Ambianens. quod ad aquitationem debitorum villæ suæ possent levare de quibuslibet 20. solidatis mercaturæ venditis in villa Ambianensi de illis de communia sua ab emptore, videlicet unum denarium : quod cum facerent Major et Jurati prædicti, accedens Episcopus Ambian. ad D. Regem, ex hoc conquestus fuit, asserens ipsam costumam, quam vocabat malam toltam, in præjudicium Ecclesiæ suæ, et in elusionem libertatis in favorem Ecclesiæ datæ, quæ dicitur Respectus S. Firmini, concessam fuisse propter quod petebat eamdem penitus revocari... Determinatum fuit.... quod idem Episcopus super hoc audiendus non erat.

Exstat in Regesto Urbis Ambianensis sequens Charta, ex qua docemur, cujusmodi fuerit census ille, qui exsolvebatur Ambiani in festo S. Firmini Martyris :

Gaufridus divina permissione Ambianensis Ecclesiæ Minister humilis, omnibus Christi fidelibus, ad quos litteræ istæ pervenerint, in Domino salutem. Noverint universi, quod cum inter nos ex una parte, et Majorem ac cives Ambianenses ex altera, diutius contentio verteretur, super eo, quod petebamus quatuor denarios de Respectu a quolibet homine uxorato existente de communia, qui mercabatur Ambiani, et esset subscriptus in Tabula B. Firmini Martyris, tandem de consilio et confessione virorum venerabilium Decani et Capituli nostri Ambianensis, inter nos et præfatos cives ad pacem pervenimus in hunc modum. Nos siquidem mitius agere volentes cum civibus memoratis, ordinavimus pro bono pacis, quod vir et uxor ejus in vita sua tres denarios monetæ currentis Ambianensis in festo præfati Martyris pro Respectu suo annuatim persolvent, et sic de theloneo suo immunes erunt per annum, nec poterimus cogere aliquem ad solvendum Respectum, nisi prius 15. dies elapsi fuerint a festo memorato. Si autem vir sive uxor ejus decesserit, nihilominus ille, qui superstes erit, tres denarios persolvet : et si contigerit virum aut mulierem esse extra civitatem tempore, quo Respectus debet persolvi, infra 15. dies postquam redierit, licebit ei solvere Respectum suum, tres scilicet denarios, aut reddere theloneum suum anni illius, recepto a talibus corporaliter juramento, quod bene tres denarios ipsi domino solvere tenebuntur de Respectu. Sciendum est, quod non poterimus aliquo modo contradicere, quin omnes qui de communia extiterint, aut qui communiam jurare voluerint, sub prædicto Respectu trium denariorum in tabula recipiantur supradicta : omnes etiam illi, qui de communia fuerint, oportebit ut intrent in tabula, et ut nomina singulorum in eadem conscribantur. Notandum est præterea, quod pro pace ista, quam prædiximus, recepimus a sæpedictis civibus novies viginti libras Parisienses in augmentum reddituum Thesaurariæ refundendas. Ut igitur hæc præmissa robur perpetuum obtineant, præsentem Chartam exinde confectam, et a nobis et a dictis Decanis et Capitulo benigne concessam et approbatam tam sigilli nostri auctoritate, quam ipsius Capituli sigillo fecimus roborari. Actum anno Verbi incarnati 1226. mense Novembri.

Denique Tabular. Episcopatus Ambian. ann. 1374 :

Sur ce, que nous Evesque disions de nostre droit à nous appartenir un droit, que on dit le Respect de S. Firmin, qui est tel, que chascun bourgeois et bourgoise de ladite ville nous doit chascun an trois deniers parisis, où que il demeure, et que on nous doit apporter a Amiens, ou a nos fermiers a certain terme, etc.

Respectio, Idem quod Respectus, Census. Tabularium S. Amandi apud Haræum in Castellanis Insulensibus pag. 178. et apud Martenium tom. 1. Collect. Ampliss. col. 362. ex Donatione ann. 1002 :

Quæ familia uno quoque anno in festivitate S. Amandi, quæ est 7. Kalend. Novemb. persolvat de Respectione capitis sui duos denarios, de mortua vero manu sex, etc.

Ubi Respectio capitis, idem valet ac census capitis, de quo egimus supra in voce Capitalitium.

Regardum dicitur in Regesto Philippi Augusti Herouvalliano f. 96 :

In Regardo ad Natale pro pane 8. sol..... in Regardo ad Pascha pro pane 6. sol. et 1200. ova appreciata 30. solid.

Quippe Respectus Gallice Regard dicitur : unde colligi videtur, Gallos nostros Regards vocasse ejusmodi census annuos, quos Latinæ Tabulæ Respectus vocant. Vide Regardum 4. suo loco.

2. RESPECTUS 4. RESPECTUS © École des chartes.

« 4 respectus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 148b. http://ducange.enc.sorbonne.fr/RESPECTUS4

4. RESPECTUS, Respectum, Mora, dies dilatus, prorogatio diei, Gallis Respit. Capitulare 3. Ludovici Pii ann. 819. cap. 1 :

Et si Comes infra supradictarum noctium numerum mallum suum non habuerit, ipsum spatium usque ad mallum Comitis extendatur, et deinde detur ei spatium ad Respectum ad septem noctes.

Leges Edwardi Confess. cap. 15 :

Si inveniri non poterant, mensis et unius diei Respectum habebant ad eum inveniendum.

Matth. Paris ann. 1236 :

Dum Respectum et dilationem caperet.

Super Respectu et dilacione, in Literis Caroli V. Franc. Regis ann. 1364. apud D. Secousse tom. 4. Ordinat. Reg. pag. 541. Conventio inter Henricum Regem Angl. et Robertum Flandriæ Comitem pag. 12. Libri nigri Scaccarii :

Post reditum de expeditione habebit Respectum ad finitas tres hebdomadas.

Pluries recurrit ibi. Vetus Placitum apud Stephanotium tom. 3. Antiq. Pictav. MSS. pag. 578 :

Sed perrexerunt sine ullo Respecto, quod Abbas eis dedisset, et avunculus eorum Arbertus Truant multum eis blasphemavit, quod ita sine Respecto ullo, quod ei Abbas dedisset, pergebant.

Utuntur præterea Goffridus Vindocin. lib. 2. Ep. 24. Ivo Carnotensis Ep. 127. Fulbertus Ep. 75. Rigordus pag. 25. Hugo Flaviniacensis in Chronic. pag. 244. Epist. 202. ex Sugerianis, Epistolæ 190. et 378. ex iis, quæ habentur tom. 4. Hist. Francor. Charta Riculfi Forojuliensis Episc. apud Ruffium in Comitibus Provinciæ pag. 53. et Sammarth. etc. Adde, si vis, Nomolexicon Thomæ Blount, Glossaria Kennetti ad calcem Antiquit. Ambrosden. Lobinelli ad calcem Hist. Britan. et tom. 3. Hist. Paris. Instrumenta novæ Gall. Christ. tom. 1. pag. 82. col. 2. de Lauriere tom. 1. Ordinat. Reg. pag. 37. D. Secousse tom. 4. earumdem Ordinat. pag. 179. etc. Glanvill. lib. 1. cap. 25. :

Entrès en Mez orendroit sans Respit.

Occurrit passim in Consuetud. municipal. locis indicatis a Raguello.

◊ Vocem hanc Gallicam a Latino respirare quidam deducunt : nam ut debitores, qui a creditoribus ad solvendum acrius urgentur, suffocari et strangulari in leg. 1. C. Th. de Præd. curial. sine decr. non alien. (12. 3.) et in Evangelio Matth. cap. 18. vers. 28. et seq. ita quibus conceduntur induciæ, quo se a debiti onere exsolvant, respirare dicuntur Senatori lib. 2. var. Epist. 38.

L. Henschel, 1840–1850.

Ponere in Respectum, Differre. Rot. 10. Sutham. de anno 26. Henr. III. in Abbrev. Rotul. tom. 1. pag. 4 :

Demandam de 28. libr... ponat in Respectum usque ad reditum Regis de partibus transmarinis.

Placit. ann. 9. Ric. I. Norf. in Abbr. Placit. pag. 20 :

Assisa magna...... ponitur in Respectum usque ad adventum justitiariorum in partibus illis.

Vide in Ponere.

les Bénédictins de St. Maur, 1733–1736.

Respeytus, Eadem notione. Confœderationes inter Archiepiscopum Vien. et Annam Dalph. ann. 1291. tom. 2. Hist. Dalph. pag. 43 :

Et insuper præd. D. Comitissa promittit, quod ipsa cum Comite Sabaudiæ, cum quo præfatus D. Dalphinus vir suus et ipsa præsentialiter guerram habent, pacem, treugam vel guerram cassam, appeysamentum vel Respeytum, vel aliquod aliud remedium de jure vel de facto non facient, vel accipient seu habebunt, absque eo quo D. Archiepiscopus, etc.

P. Carpentier, 1766.

◊ Hinc Respis dictæ Induciæ a judicibus inter partes indictæ. Lit. remiss. ann. 1411. in Reg. 165. Chartoph. reg. ch. 236 :

La coustume du pays (d'Artois) est telle que incontinent que un meffait à un autre, et en eust que debat ou une buffe baillée, les eschevins et bailliz du pays baillent et ordonnent tréves entre les parties, qu'ilz appellent Respis.

Salvum Respectum, seu Sauf respit vocant Practici nostri prorogationem, quam dominus vassallo concedit ad præstandum hominium : ita in Consuet. Britanniæ art. 252. 267. Charta ann. 1383. apud Lobinell. tom. 2. Histor. Britan. col. 636 :

Ad requestam dicte nobilis Johanne de Radesiis, D. Johannem Roaut Militem ponit in suo Salvo respectu et sufferentia de homagio usque ad festum Nativitatis S. J. B. Sauf respit de hommage jusques à un an,

in Regesto ann. 1457. ibid. col. 1202. Habetur in Regesto de negotiis Ludovici Ducis Andegavensis et Regis Siciliæ Charta Petri Comitis Alencionis et Pertici 1. Sept. anni 1386. qua se duo homagia ligia debere profitetur Reginæ Siciliæ, Ludovici Regis matri, alterum pro Vicecomitatu Bellomontensi, alterum pro terra Sonnensi, ratione Ducatus Andegavensis et Comitatus Cenomanensis. Mox in eadem Charta hæc verba adduntur :

Et pour ce que madite Dame est à present en lointain pays, parquoi ne pouvons pas de present aler pardevers elle pour luy faire lesdits foys et homages, que nous sommes tenus faire, nous aist à nostre requeste mis en ses Saufs respits durant sondit bail, par ainsi que nous avons voulu et encore voulons que ledit Respit durant baillé à madite Dame, et soit d'autel effet, comme si nous lui avions fais lesdits fois et homenages, etc.

In Regesto Constabulariæ Burdegalensis fol. 151.

Soveals Respitez.

Respectare, Differre, Respectum seu moram dare, tempus prorogare, Donner du respit. Respiter, apud Villharduinum num. 32. 246. Leges Ethelredi Regis apud Habam cap. 7 :

Sæpe etiam pravi judices judicium pervertunt, vel Respectant, et non finiunt causam, donec voluntas eorum impleatur.

Epistola Henrici I. Regis Angl. ad Anselmum Archiepisc. Cantuariensem, apud Eadmerum lib. 4. pag. 101 :

Mando vobis, ut Respectetis æquo animo et bona voluntate benedictionem Thomæ Eboracensis Archiepiscopi usque ad Pascha, etc.

Leges ejusdem Regis cap. 26 :

Defensor aut Dominus de furto pulsatorum, si semel aut amplius Respectaverit erga vicinum diem vicinaliter et absque justitiæ majoris auctoritate condictam, curiam suam perdet. Dies Respectatus,

prorogatus, ibid. Placitum Respectare, c. 29. 41. 50. 59. et in Chartul. Dunensi Ch. 93. Stephanus Tornac. Epist. 23 :

Quarto convenerunt litigantes coram judice, et quarto filii hominum, qui judicant terram, ut vulgariter loquitur, judicium Respectarunt.

MS. :

Ceste a bien sa mort Respitié,
Et say de ce moult grant pitié.

Ibidem infra :

Lors s'en va n'a plus Respitié,
Trestous en pleurent de pitié.

MS. :

Mes ce qe sa suer ot deviné,
Cassandra ot profiticié,
Ni puet plus estre Respitié,
Tot avendront les destinées
Qe maintes gens feront iriés.

P. Carpentier, 1766.

◊ Quod et pro Salvare, liberare, absolvere dixerunt. Lit. remiss. ann. 1349. in Reg. 78. Chartoph. reg. ch. 260 :

Colins Petiz et Aveline sa femme estant sur le point de estre exécutez, ladite Aveline dist devant tous que ledit larrecin avoit esté commis par le mouvement et conseil d'elle ;.... et requist aus dites gens gardans ladite justice et aus autres illuec estant, que l'en le voulsist Respitier de mort et li quittier ledit fait.

Aliæ ann. 1388. in Reg. 132. ch. 322 :

Icellui munier chey en icelle eaue, et illecques fu nayé, sans que l'exposant... le peust aucunement secourir, ne Respiter. Répiter,

in aliis ann. 1452. ex Reg. 181. ch. 139 :

Lesquelz prisonniers seroient mis en main de justice ecclésiastique, et par ce moyen Répitez de mort.

Respectuare, Eadem notione. Quoniam Attachiamenta cap. 90. § 2 :

Et si vocat puerum infra ætatem, loquela erat Respectuata usque ad ætatem pueri,

id est dilata. Homagium Respectuare, in Parlamento de depositione Regis Ricardi II.

les Bénédictins de St. Maur, 1733–1736.

Respicere, Eodem significatu. Nequaquam : ibi enim Judicare, decernere sonat. Vide Regardum 5. et Respiciare. Charta ann. 1254. e Regesto Olim :

Idcirco Respectum fuit, quod damna mercatori redderet.

Respectuatio, Mora, dilatio. Leges Burgorum Scoticor. cap. 29. § 1 :

Quicunque factus fuerit novus burgensis de terra vasta, et nullam terram habuerit hospitatam, potest habere Respectuationem, quæ dicitur Hirset, in primo anno, et post primum annum hospitabitur, et ædificabit terram suam.

Litteræ Jacobi Scotorum Regis ann. 1498. apud Gotofredum in Hist. Ludovici XII. Franc. Regis per Johannem de S. Gelais pag. 308. edit. 1622 :

Cum libera quiete et mora, subditorum navibus et mercibus, rebusque aliis quibuscumque, absque litteris salvi conductus aut Respectuationis quibuscunque, pro se, navibus et rebus omnibus habitis, etc.

Vide Sufferentia 3.

« 7 respectus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 149a. http://ducange.enc.sorbonne.fr/RESPECTUS7

7. RESPECTUS, Terror, formido, ne bellum aut quid mali accidat, idem quod supra Regardum 3. Vide in hac voce. Instr. ann. 1381. inter Probat. tom. 3. Hist. Nem. pag. 47. col. 2 :

Dictus commissarius ordinavit, quod porta sive portaletum apertum et constructum in muro novo, a parte ecclesiæ beati Nicolai, de cayronis et lapidibus fortiter claudatur, et quod, durante Respectu gentium armorum, non aperiatur ; sed fallito et cessante toto Respectu prædicto, et existente pace in præsenti provincia, possit aperiri, et non aliter. Ressoignement,

eadem acceptione, a verbo Ressongner, Metuere, reformidare. Lit. remiss. ann. 1375. in Reg. 120. Chartoph. reg. ch. 192 :

Icellui Jehannot par l'espace de long temps, pour le Ressoignement dou fait, s'estoit renduz fugitiz et absentez.

Aliæ ann. 1369. in Reg. 100. ch. 322 :

Lequel Honnetre estoit homs cremus et Ressongnez à avoir à faire à lui.

Froissart. in vol. 1. cap. 45 :

Les Ressongnoient moult les Anglois,... et ne pouvoit nul issir d'Angleterre, qu'il ne fust veu et robbé, et tout mettoient à mort. Resoigner,

in Lit. ann. 1363. tom. 3. Ordinat. reg. Franc. pag. 631.

Resongnier,

in Mirac. MSS. B. M. V. lib. 2 :

Preudom tel fu doit Resongnier,
Plus que ne face fu Griois.

Hinc Ressongnaument, Timide, in Lit. remiss. ann. 1454. ex Reg. 184. ch. 507 :

Quant icellui Boucler perceut qu'il ne pourroit contrester au suppliant, il fut content de lui bailler ladite dague assez Ressongnaument, pourveu qu'il ne lui en feroit point de desplaisir.

« 8 respectus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 149b. http://ducange.enc.sorbonne.fr/RESPECTUS8

8. RESPECTUS, Nomen, jus. Charta Henr. archiep. Senon. in Chartul. S. Germ. Prat. sign. tribus crucibus fol. 56. v°. col. 2 :

Hugo abbas... supplicavit nobis, ut... duo altaria, quæ prædecessores ejus abbates, sub titulo et Respectu vicariorum, a nostris prædecessoribus tenuerant, remotis et condonatis vicariorum personis prædictæ ecclesiæ beati Germani, sub censuali tenore possidenda in perpetuum concederemus.

Idem ergo est Respectu vicariorum tenere, atque precario possidere.

L. Henschel, 1840–1850.

Respectum Habere ad Aliquem, Sponsorem eum appellare. Chart. ann. 1301. in Guden. Cod. Dipl. tom. 3. pag. 3 :

Et hos quidem redditus noster officiatus qui tunc extiterit ipsis præsentabit, quod si non fecerit prædictus Heyn et sua uxor ad nos et officiatum prædictum quicumque fuerit, Respectum habebunt.

Vide Recursus 5.